Trump Mobile: ట్రంప్‌ మొబైల్‌ వచ్చేసింది

అమెరికా అధ్యక్షుడు ట్రంప్‌ (Trump) కొత్త వ్యాపారంలో ప్రవేశించారు. సరికొత్త 5జీ వైర్లెస్‌ సర్వీస్‌తోపాటు 499 డాలర్లకు లభ్యమయ్యే స్మార్ట్‌ఫోన్‌ను ప్రారంభించడం ద్వారా మొబైల్‌ ఫోన్ల మార్కెట్‌లో అడుగు పెట్టారు. ట్రంప్‌ మొబైల్‌ (Trump Mobile) అని పిలిచే ఈ వెంచర్‌ను న్యూయార్క్‌ (New York)లోని ట్రంప్‌ టవర్‌లో అధికారికంగా ప్రకటించారు. త్వరలో టీ1పేరిట నాజూకైన (స్లీక్‌), గోల్డ్‌ స్టాండర్డ్‌ స్మార్ట్‌ఫోన్‌ (Smartphone)ను అందుబాటులోకి తీసుకురాబోతున్నట్టు ప్రకటించారు. అమెరికాలో అతిపెద్ద టెలికం సంస్థలైన వెరిజోన్‌, ఏటీ అండ్‌ టీ (AT&T), టీ-మొబైల్‌ నెట్‌వర్క్‌లలో లభ్యమయ్యే ట్రంప్‌ అన్‌లిమిటెడ్‌ 5జీ వైర్లెస్‌ సర్వీసును పొందాలంటే నెలకు 47.45 డాలర్లు చెల్లించాల్సి ఉంటుంది.