ప్రపంచంలో అతిపెద్ద విమానమిదే

బోయింగ్‌కు చెందిన కొత్త వైడ్‌బాడీ విమానం 779-9 మొదటిసారిగా భారత గడ్డపై వాలనుంది. ఈ విమానాన్ని హైదరాబాద్‌లో జరగనున్న వింగ్స్‌ ఇండియా 2024లో బోయింగ్‌ ప్రదర్శించనుంది. 777-9 ప్రపంచంలోనే అతిపెద్ద, అత్యంత ఇంధన సామర్థ్యం కలిగిన  ట్విన్‌`ఇంజన్‌జెట్‌. విమానాల సంఖ్యను పెంచుకునే కార్యక్రమంలో భాగంగా ఎయిర్‌ ఇండియా విమానాలను కొనుగోలు చేస్తున్నట్లు గత ఏడాది వెల్లడించింది. ఇందులో పది 777-9 విమానాలు ఉన్నాయి. అంతర్జాతీయ మార్గాల్లో వీటిని వినియోగించనుంది. భవిష్యత్తులో ప్రపంచం లోని అనేక విమానయాన సంస్థలకు 777-9 విమానం ప్రధాన విమానంగా ఉండనుందని బోయింగ్‌ వైస్‌ ప్రెసిడెంట్‌ ( కమర్షియల్‌ సేల్స్‌) రైన్‌ వైర్‌ తెలిపారు. వింగ్స్‌ ఇండియాలో ప్రదర్శన కోసం కొత్త విమానాన్ని  జనవరి 16న హైదరాబాద్‌కు తీసుకురానున్నారు. జనవరి18`19 తేదీల్లో దీన్ని ప్రదర్శిస్తారు.