మరో రంగంలో అపర్ణ గ్రూపు

స్థిరాస్తి, నిర్మాణ రంగాల్లో క్రియాశీలక సంస్థగా ఉన్న అపర్ణ గ్రూపు ఔషధ వ్యాపారంలోకి అడుగు పెట్టింది. ఇందులో భాగంగా అపర్ణ ఫార్మాస్యూటికల్స్‌ ప్రైవేట్‌ లిమిటెడ్‌ అనే సంస్థను అపర్ణ గ్రూపులో ఒక డివిజన్‌గా ఏర్పాటు చేసింది. ఈ సంస్థ శ్రీకాకుళం జిల్లాలోని పైడిభీమవరంలో ఒక యూనిట్‌ కొనుగోలు చేసి, ఏపీఐ (యాక్టివ్‌ ఫార్మా స్యూటికల్‌ ఇన్‌గ్రేడియంట్స్‌) డ్రగ్‌ ఇంటర్మీడియేట్లను తయారు చేస్తోంది. ఈ యూనిట్‌ను గత ఏడాది సెప్టెంబరులో అమెరికా  ఔషధ నియంత్రణ సంస్థ (యూఎస్‌ఎఫ్‌డీఏ) ఆడిట్‌ చేసింది. తాజాగా ఈ యూనిట్‌ను ఆమోదిస్తున్నట్లు (వీఏఐ-వాలంటరీ యాక్షన్‌ ఇండికేటెడ్‌) యుఎస్‌ఎఫ్‌డీఏ నుంచి సమాచారం అందినట్లు అపర్ణ గ్రూపు వెల్లడించింది.