అమెరికాలో మళ్లీ కలకలం... ట్రంప్ కుమారుడికి

అమెరికాలో మరోసారి తెల్లపొడి కలకలం సృష్టించింది. అధ్యక్ష అభ్యర్థిత్వానికి డొనాల్డ్‌ ట్రంప్‌ మరోసారి పోటీ పడుతున్న వేళ పెద్ద కుమారుడు ట్రంప్‌ జూనియర్‌కు వైట్‌ పౌడర్‌తో ఉన్న ఓ లేఖ వచ్చింది. దీంతో ఎమర్జెన్సీ సిబ్బంది వెంటనే అప్రమత్తమయ్యారు. ఫ్లోరిడాలోని ట్రంప్‌ జూనియర్‌ హోం ఆఫీసుకు గుర్తుతెలియని వ్యక్తులు బెదిరింపు లేఖ పంపారు. దాన్ని తెరవగా తెల్లపొడి అంటుకుంది. దీంతో అత్యవసర సిబ్బందికి సమాచారమివ్వగా వారు ఆ పొడిని స్వాధీనం చేసుకున్నారు.ప్రస్తుతం పరీక్షలు నిర్వహిస్తున్నారు. ఆ పొడి ఏంటన్నది తెలియరానప్పటికీ అంత ప్రమాదకరం కాకపోవచ్చని అధికారులు భావిస్తున్నారు. సీక్రెట్‌ సర్వీస్‌ విభాగంతో కలిపి పామ్‌ బీచ్‌ షెరీఫ్‌ పోలీసులు దీనిపై దర్యాప్తు చేపట్టారు.