అనుష్క నవ్వితే... షూటింగ్స్ ఆపేయాల్సి వస్తోందట?
బెంగళూరు బ్యూటీ అనుష్క శెట్టి ఈ మధ్య సినిమాల్లో కనిపించి చాలా కాలం అయ్యింది. బాహుబలి 2 తర్వాత సినిమాలు పూర్తిగా తగ్గించేసిన స్వీటీ యాక్టింగ్ కెరీర్ పక్కనపెడితే.. తాను అరుదైన డిసీజ్‌‌తో సమస్యలు ఎదుర్కొంటున్నట్లు రీసెంట్‌గా వెల్లడించింది. ‘అరుంధతి’ సినిమాలో పోషించిన జేజమ్మ క్యారెక్టర్‌తో టాలీవుడ్‌లో విపరీతమైన ఫాలోయింగ్ సంపాదించుకున్న నటి అనుష్క శెట్టి . కెరీర్ మొదట్లో గ్లామర్ రోల్స్ చేసినప్పటికీ.. అరుంధతి తర్వాత లేడీ ఓరియెంటెడ్ చిత్రాలకు పర్ఫెక్ట్ చాయిస్‌గా మారింది. ఇక రాజమౌళి రెండు భాగాలుగా తెరకెక్కించిన ‘బాహుబలి’ చిత్రంలో దేవసేనగా అసమాన నటనను ప్రదర్శించిన అనుష్క.. యాక్షన్ సన్నివేశాల్లోనూ ఏమాత్రం బెరుకు లేకుండా నటించి శభాష్ అనిపించుకుంది. కానీ ఆ తర్వాత ఎందుకో సినిమాలు తగ్గించేసింది. అయితే హెల్త్ ప్రాబ్లెమ్స్ వల్లే కొత్త చిత్రాలకు సైన్ చేయడం లేదని.. కాదు కాదు..మరో వైపు పెళ్లి చేసుకోబోతుందని నెట్టింట రూమర్స్ వినిపించాయి.
ఇవన్నీ కాకుండా తనకు ఒక అరుదైన వ్యాధి ఉందని చెప్పి షాక్ ఇచ్చింది అనుష్క. అవును.. మీరు విన్నది నిజమే. స్వీటీ అనుష్క నవ్వును కంట్రోల్ చేసుకోలేదట. తనకు ఏదైనా విషయంలో ఒక్కసారి నవ్వొస్తే.. ఏకధాటిగా 20 నిమిషాల పాటు నవ్వుతూనే ఉంటుందట. ఆమె నవ్వడం స్టార్ట్ చేస్తే షూటింగ్స్‌‌కు కూడా ప్యాకప్ చెప్పాల్సిందేనట. అనుష్క నవ్వు పూర్తయ్యేసరికి యూనిట్ మొత్తం షూటింగ్ ఆపేసి లంచ్, స్నాక్స్ తిని కూడా వస్తారట. ఇలా నవ్వును ఆపుకోలేనటువంటి అరుదైన వ్యాధి తనకు ఉందని అనుష్క తాజాగా వెల్లడించింది. అయితే అనుష్క ఈ విషయాన్ని సీరియస్‌గా చెప్పిందా? లేక ఫన్నీగా చెప్పిందా? అనే విషయంపై క్లారిటీ లేదు. ఇక సినిమాల విషయానికొస్తే.. 2020లో విడుదలైన ‘నిశ్శబ్దం’ చిత్రంలో చివరిసారిగా కనిపించింది. పాన్ ఇండియా వైడ్‌గా విడుదలైన సినిమాలో అనుష్క లీడ్ రోల్ పోషించగా.. మాధవన్ నెగెటివ్ క్యారెక్టర్‌లో ఆకట్టుకున్నాడు. ఇక ప్రస్తుతానికి యంగ్ హీరో నవీన్ పొలిశెట్టితో కలిసి ఓ సినిమా చేస్తోంది అనుష్క. యూవీ క్రియేషన్స్ నిర్మిస్తున్న ఈ చిత్రంలో తను చెఫ్‌గా నటిస్తోంది. మిడిల్ ఏజ్ మహిళ, యువకుడికి మధ్య ప్రేమ కథగా ఈ చిత్రం తెరకెక్కుతోంది. ప్రస్తుతానికి ‘మిస్ శెట్టి.. మిస్టర్ పొలిశెట్టి’ వర్కింట్ టైటిల్ ప్రచారంలో ఉంది. పి. మహేష్ ఈ చిత్రం ద్వారా దర్శకుడిగా పరిచయం కాబోతుండగా.. రథన్ మ్యూజిక్ అందిస్తున్నాడు.
