కలర్‌ ఫోటో చిత్రం ప్రారంభం
హృదయ కాలేయం, కొబ్బరి మట్ట లాంటి స్పూఫ్‌తో సినిమాలు తీసిన అమృత ప్రొడక్షన్స్‌ తదుపరి చిత్రం కలర్‌ ఫోటో. మజిలీ, డియర్‌ కామ్రేడ్‌, ప్రతిరోజు పండగే వంటి చిత్రాల్లో తనదైన కామెడీతో ఆకట్టుకున్న సుహాస్‌ ఈ సినిమాతో హీరోగా పరిచయం కాబోతున్నాడు. చాందిని చౌదరీ హీరోయిన్‌గా నటిస్తున్నారు. సునీల్‌ ముఖ్య పాత్రలో నటిస్తున్న ఈ చిత్రం చిత్రీకరణ ప్రారంభం అయ్యింది. యూట్యూబ్‌లో పాపులర్‌ అయిన సందీప్‌ రాజ్‌ దర్శకుడిగా పరిచయం అవుతున్నాడు. మత్తు వదలరా ఫేమ్‌ కాల భైరవ ఈ సినిమాకు స్వరాలు సమకూరుస్తున్నాడు. కామెడీ ఎంటర్‌టైనర్‌గా రాబోతున్న ఈ చిత్రం 1995లో ఒక ఇంజనీరింగ్‌ కాలేజీలో జరిగే ప్రేమకథగా రూపొందుతుంది. ఈ మూవీ గురించి మరిన్ని విశేషాలు యూనిట్‌ త్వరలో తెలియజేస్తామని చిత్ర యూనిట్‌ తెలిపింది. నిర్మాతలు: సాయి రాజేష్‌ నీలం, బెన్నీ ముప్పానేని, కెమెరామెన్‌: వెంకట్‌ ఆర్‌ శాఖమూర్తి.
