ఆచారి అమెరికా యాత్రలో హాట్‌ బ్యూటీ

మంచు విష్ణు, నాగేశ్వరరెడ్డి కాంబినేషన్‌ లో వచ్చిన దేనికైనా రెడీ సినిమాలో బ్రాహ్మణులను తక్కువ చేసి చూపిస్తున్నారని బ్రాహ్మణ సంఘాలు సినిమాపై పోరాటానికి దిగాయి. అప్పట్లో ఈ విషయమై పెద్ద రచ్చే జరిగింది. ఇప్పుడు మళ్లీ మంచు హీరో, నాగేశ్వరెడ్డిలు కలిసి మరో సినిమాకు శ్రీకారం చుట్టారు. అదే ఆచారి అమెరికా యాత్ర. ఈ సినిమా టైటిల్‌ కూడా వివాదానికి తెరలేపేలా ఉంది. దీనికి తగ్గట్లు నాగేశ్వరెడ్డి ఈ సినిమాలో హీరోయిన్‌గా హాట్‌ ముద్దుగుమ్మను ఎంపిక చేస్తున్నట్లు తెలుస్తోంది. అనేకుడు సినిమాతో తెలుగు వారికి పరిచయమయిన అమైరా దస్తూర్‌ ను విష్ణు సరసన హీరోయిన్‌గా ఫైనల్‌ చేశారని సమాచారం.