అదే జరిగితే ఎన్టీఆర్ 30 కు నేషనల్ క్రేజ్ కన్ఫర్మ్!
ఆర్ఆర్ఆర్ సినిమా తర్వాత ఎన్టీఆర్, కొరటాల శివ దర్శకత్వంలో సినిమా చేయనున్న విషయం తెలిసిందే. ఆర్ఆర్ఆర్ రిలీజ్ కు ముందే ఈ సినిమాను అనౌన్స్ చేసినప్పటికీ ఈ సినిమాను ఇప్పటికీ పట్టాలెక్కించలేదు. మధ్యలో ఈ సినిమా ఆగిపోయిందని కూడా వార్తలొచ్చాయి. కానీ ఆ వార్తలను ఎప్పటికప్పుడు టీమ్ ఖండిస్తూనే వచ్చింది. అయితే ఇప్పుడు ఫిబ్రవరి రెండో వారంలో ఈ సినిమా ఘనంగా లాంచ్ కానుందని తెలుస్తోంది.
ఆర్ఆర్ఆర్ సినిమాను ఇంటర్నేషన్లో లెవల్ లో మంచి క్రేజ్ వచ్చింది. రీసెంట్గా ఈ సినిమాకు గోల్డెన్ గ్లోబ్ అవార్డు కూడా దక్కింది. ఇలాంటి టైమ్ ఈ సినిమా లాంచింగ్ ఈవెంట్ జరగనుండటంతో అందరి కళ్లూ ఈ ఈవెంట్ మీదే పడే అవకాశముంద. దానికి తగ్గట్టుగానే కొరటాల అండ్ టీమ్ కూడా ఈ లాంచింగ్ ఈవెంట్ను మరింత గ్రాండ్ గా చేయాలని చూస్తున్నారట. ఇందులో భాగంగానే ఈవెంట్కు ఆర్ఆర్ఆర్ టీమ్ ను చీఫ్ గెస్టులుగా తీసుకొస్తున్నట్లు తెలుస్తోంది.
రాజమౌళి, ఆయన ఫ్యామిలీ, రామ్ చరణ్ కూడా ఈ ఈవెంట్కు వచ్చే ఛాన్సుందని సమాచారం. అలాగే కొన్నాళ్లుగా మెగాస్టార్, కొరటాల మధ్య దూరం పెరుగుతుందని వార్తలొస్తున్నారు. ఈ సందర్భంలో ఈ ఫంక్షన్కు చిరూని కూడా ఇన్వైట్ చేశారనే ప్రచారం జరుగుతున్నప్పటికీ, అది ఎంతవరకు నిజమనే విషయంలో మాత్రం ఇంకా క్లారిటీ రావాల్సి ఉంది.
ఎప్పుడెప్పుడు ఈ సినిమా మొదలౌతుందా అని ఎన్టీఆర్ ఫ్యాన్స్ ఎంతో ఆతృతగా ఎదురుచూస్తున్నారు. ఓ పక్క ఆర్ఆర్ఆర్ లో ఎన్టీఆర్ తో కలిసి నటించిన రామ్ చరణ్ ఇప్పటికే ఓ సినిమాను రెడీ చేసి, మరో సినిమాను షూటింగ్ పూర్తి చేసే పనిలో ఉన్నాడు. మరి ఎన్టీఆర్ మాత్రం ఈ విషయంలో ఎందుకు ఇంత అశ్రద్ధగా ఉన్నారో అంతుపట్టడం లేదు.