Koulash Kota: ‘కౌలాస్ కోట’ మూవీ పోస్టర్ లాంచ్ వేడుక

Published By: techteam
July 2, 2025 / 12:40 PM IST

తెలుగు తెరపైకి ఆసక్తికరమైన, అద్భుతమైన కథ రాబోతుంది. అద్వైత్ క్రియేషన్స్ బ్యానర్‌పై, మన ఫిల్మ్ ఛాంబర్ ఆఫ్ కామర్స్ 24 క్రాఫ్ట్స్ సమర్పణలో మాదాల నాగూర్ నిర్మాణంలో, పీఎస్పీ శర్మ దర్శకత్వంలో రూపొందుతున్న చిత్రం ‘కౌలాస్ కోట’ (Koulash Kota). ఈ చిత్ర పోస్టర్ లాంచ్ వేడుక హైదరాబాద్‌లోని తెలుగు ఫిల్మ్ ఛాంబర్ ఆఫ్ కామర్స్‌లో ఘనంగా నిర్వహించారు.

ఈ సందర్భంగా నిర్మాత డాక్టర్ మాదాల నాగూర్ (Dr Madala Nagoor) మాట్లాడుతూ –
“డైరెక్టర్ పీఎస్పీ శర్మ గారితో కలిసి పనిచేయడం నాకు గౌరవంగా భావిస్తున్నాను. రియ‌ల్ కోట ప్రాంగ‌ణంలోనే షూటింగ్ కార్యక్రమాలు త్వరలో ప్రారంభమవుతాయి. ఈ చిత్రం ప్రేక్షకుల ఆదరణను ఖచ్చితంగా సంపాదించుకుంటుందని నమ్మకంగా చెబుతున్నాను” అన్నారు.

దర్శకుడు పీఎస్పీ శర్మ (Director PSP Sharma) మాట్లాడుతూ –
“స్టోరీ, స్క్రీన్‌ప్లే విషయంలో చాలా కష్టపడ్డాం. రచయిత ఎర్రా సంజీవరాజ్ ఈ కథను ప్రారంభించినప్పటి నుంచి ఎన్నో అంశాలపై పరిశీలన చేసి, కథా మాటలు అందించారు. ఈ సినిమాలో గ్రాంథికతతో పాటు ప్రజెంట్ సిట్యూషన్స్‌కు అనుగుణంగా సన్నివేశాలు ఉంటాయి. నవరసాలతో పాటు వినూత్నత కలిగిన ఈ ‘కౌలాస్ కోట’ చిత్రం విజయం సాధిస్తుందని ఆశిస్తున్నాం” అని అన్నారు.

ఈ కార్యక్రమానికి 24 క్రాఫ్ట్ ప్రతినిధులు, సినీ పరిశ్రమకు చెందిన ప్రముఖులు, సీనియర్ ఫిల్మ్ జర్నలిస్ట్ ఎస్. రమేష్ తదితరులు హాజరయ్యారు.

చిత్రబృందం ఈ సినిమాకు సంబంధించి మరిన్ని వివరాలను త్వరలో వెల్లడించనున్నట్లు తెలిపింది.