Hari Hara Veera Mallu: వీర‌మ‌ల్లు సైలెంట్ గా ఉన్నాడేంటి

Published By: techteam
May 2, 2025 / 07:50 PM IST

ప‌వ‌ర్ స్టార్ ప‌వ‌న్ క‌ళ్యాణ్(Pawan Kalyan) న‌టిస్తున్న హ‌రిహ‌ర వీర‌మ‌ల్లు(Harihara veeramallu) సినిమా మే 9న రిలీజ్ అవుతుంద‌ని మేక‌ర్స్ అనౌన్స్ చేశారు. మే నెల మొద‌లైనా ఇంకా చిత్ర యూనిట్ నుంచి సినిమాకు సంబంధించిన ఎలాంటి ప్ర‌మోష‌న్స్ ను స్టార్ట్ చేయ‌క‌పోవ‌డంతో వీర‌మ‌ల్లు మ‌రోసారి వాయిదా త‌ప్ప‌ద‌ని అంద‌రూ ఫిక్సైపోయారు. దీంతో ఆ డేట్ ను ప‌లు సినిమాలు వాడుకుంటున్నాయి.

అయితే వీర‌మ‌ల్లు సినిమా వాయిదా ప‌డిన విష‌యాన్ని కానీ, కొత్త రిలీజ్ డేట్ ను కానీ మేక‌ర్స్ ఇంకా అనౌన్స్ చేయ‌లేదు. అస‌లు వీర‌మ‌ల్లు ఇన్ని సార్లు వాయిదా ప‌డ‌టానికి కార‌ణం ప‌వ‌న్ క‌ళ్యాణే అనే విష‌యం తెలిసిందే. పాలిటిక్స్ తో బిజీగా ఉండ‌టం వ‌ల్ల ప‌వ‌న్ షూటింగ్ కు త‌గిన‌ట్టు డేట్స్ కేటాయించ‌లేక‌పోతున్నాడు.

వీర‌మ‌ల్లు షూటింగ్ మ‌రో నాలుగైదు రోజులు పెండింగ్ ఉంద‌ట‌. దాన్ని పూర్తి చేయాల‌ని ప‌వ‌న్ అనుకుంటున్న‌ప్ప‌టికీ అది కుదర‌డం లేదు. ఫ‌లితంగా వీర‌మ‌ల్లు రిలీజ్ లేట‌వుతూ వ‌స్తుంది. ఈ రీజ‌న్ తోనే మేక‌ర్స్ కూడా కొత్త డేట్ ను అనౌన్స్ చేయ‌లేక‌పోతున్నార‌ని తెలుస్తోంది. ఇలాంటి ప‌రిస్థితుల్లో ఈ సినిమా జూన్ లో అయినా రిలీజవుతుందా అని ఫ్యాన్స్ కు అనుమానాలు పెరుగుతున్నాయి. ఒక‌వేళ జూన్ ఫ‌స్టాఫ్ లో వీర‌మ‌ల్లు రిలీజైతే సినిమాకు సేఫ్ ఛాన్సెస్ ఎక్కువ‌. మ‌రి ప‌వ‌న్ ఏం చేస్తాడో చూడాలి.