‘వీరసింహారెడ్డి’ 45 రోజుల తర్వాత డీస్నీ హాట్ స్టార్ లో స్ట్రీమింగ్ అయ్యే చాన్స్
నటసింహం నందమూరి బాలకృష్ణ ‘వీరసింహారెడ్డి’ మాస్ జాతర తెలుగు రాష్ట్రాలను ఊపేస్తోంది. రిలీజ్‌కు ముందే విపరీతమైన హైప్ తెచ్చుకున్న సినిమాకు ప్రస్తుతం మిక్స్‌డ్ టాక్ లభిస్తోంది. అయినప్పటికీ బాలకృష్ణ ఫ్యాన్స్‌కు మాత్రం ఈ సినిమా ఫుల్ ఫీస్ట్‌ అందిస్తోందని రిపోర్ట్స్ చెబుతున్నాయి. దర్శకుడు గోపీచంద్ మలినేని బాలయ్యను తెరపై పవర్‌ఫుల్‌గా చూపించారని ఫ్యాన్స్ సంబరపడిపోతున్నారు. ఇదిలా ఉంటే వీరసింహారెడ్డి డిజిటల్ రైట్స్‌ను ప్రముఖ ఓటీటీ ప్లాట్‌ఫామ్ దక్కించుకున్నట్లుగా తెలుస్తోంది. త్వరలోనే అఫిషియల్ అనౌన్స్‌మెంట్ వెలువడే అవకాశం ఉంది.
గాడ్ ఆఫ్ మాసెస్, నట సింహం నందమూరి బాలకృష్ణ ‘వీరసింహారెడ్డి’ చిత్రం విడుదలైంది. థియేటర్ల వద్ద బాలయ్య అభిమానుల హవా మొదలైంది. సంక్రాంతి పండగ సంబరాలను ఈ సినిమాతోనే స్టార్ట్ చేశారు ఫ్యాన్స్. యూఎస్‌లో ఇప్పటికే ప్రివ్యూ షోస్ ద్వారా హాఫ్ మిలియన్ డాలర్లు క్రాస్ చేసిన ఈ చిత్రం బాలయ్య కెరీర్‌లోనే అక్కడ అత్యధిక గ్రాసర్‌గా రికార్డ్ సృష్టించింది. నిజానికి గురువారం మార్నింగ్ షోస్ తర్వాత ట్విట్టర్ రివ్యూస్ ప్రకారం.. సినిమాకు మిక్స్‌డ్ టాక్ లభిస్తోంది. కానీ ఫ్యాన్స్ మాత్రం ఫుల్‌గా ఎంజాయ్ చేస్తు్న్నారు. ఈ క్రమంలోనే మూవీ డిజిటల్ రైట్స్ ను ఎవరు సొంతం చేసుకున్నారో అప్‌డేట్ వచ్చేసింది. ప్రముఖ ఓటీటీ ప్లాట్‌ఫామ్ డిస్నీ ప్లస్ హాట్‌స్టార్ ‘వీరసింహారెడ్డి’ డిజిటల్ రైట్స్ కొనుగోలు చేసినట్లు తెలుస్తోంది. ఎందుకంటే సినిమా ఓపెనింగ్ క్రెడిట్స్‌లో ఇదే విషయం ప్రదర్శించబడింది. కాగా సినిమా విడుదలైన 45 రోజుల తర్వాత ఓటీటీలో స్ట్రీమింగ్ అయ్యే అవకాశం ఉంది.
గోపీచంద్ మలినేని దర్శకత్వం వహించిన ఈ చిత్రాన్ని మైత్రీ మూవీ మేకర్స్ నిర్మించింది. భారీ బడ్జెట్‌తో రూపొందిన సినిమాలో శ్రుతి హాసన్ కథానాయికగా నటించగా.. తమన్ సంగీతం అందించారు. సినిమాలోని పాటలన్నీ హిట్ అవడంతో చార్ట్ బస్టర్‌ ఆల్బమ్‌గా నిలిచింది. మూవీపై విపరీతమైన హైప్ క్రియేట్ అయ్యేందుకు ఇది కూడా ఒక కారణం. కన్నడ నటడు దునియా విజయ్, వరలక్ష్మి శరత్‌కుమార్ కీలక పాత్రలు పోషించారు. మొదటిరోజు ‘వీరసింహారెడ్డి’ చిత్రానికి పోటీగా మరే సినిమా లేకపోవడంతో కలెక్షన్లు భారీగా కొల్లగొట్టే అవకాశం ఉంది. ఇక ఫ్యాక్షన్ డ్రాప్ సీన్లు ఓ రేంజ్‌లో ఉన్నాయని, థియేటర్లలో బాలయ్య ఫ్యాన్స్ తెగ ఎంజాయ్ చేస్తున్నారని తెలుస్తోంది. నిజానికి బాలయ్యను అందరు హీరోల ఫ్యాన్స్ ఇష్టపడతారని తెలిసిందే. మరోవైపు అన్‌స్టాపబుల్‌తో ఆయన ఇమేజ్ ఇంకాస్త హైట్స్‌కు చేరింది. ఇన్ని పాజిటివ్ అంశాల నడుమ సినిమా ఖచ్చితంగా ఊహించని కలెక్షన్లు సాధిస్తుందని రిపోర్ట్స్ చెబుతున్నాయి.
