సిద్దిపేట జిల్లా, ఇందుర్తి ZPHS లో ఆటా RO ప్లాంట్ ప్రారంభం
ఆటా వేడుకల్లో భాగంగా సిద్దిపేట జిల్లా, ఇందుర్తి ZPHS పాఠశాలకు ఆటా బోర్డ్ ఆఫ్ ట్రస్టీ కాశీ కొత్త & వారి కుటుంబం ఆర్థిక నిధులు, ఆటా సహకారంతో సుమారు 3 లక్షల రూపాయల నిధులతో స్కూల్ వేదికకు రేకుల షెడ్డు, పిల్లల కోసం తాగడానికి RO వాటర్ ప్లాంట్ నిర్మాణం, కంప్యూటర్, స్పోర్ట్స్ కిట్స్, స్కూల్ బ్యాగ్స్ అందించారు. ఈ సందర్భంగా ఏర్పాటు చేసిన సమావేశంలో ఆటా బోర్డ్ ఆఫ్ ట్రస్టీ కాశీ కొత్త మాట్లాడుతూ... నన్ను ఈ స్థాయిలో నిలబెట్టిన భారత దేశానికి ఎంత చేసిన తక్కువేనని అన్నారు. ఈ రోజు ఆటా వేడుకల్లో భాగంగా నా వంతుగా ఇందూర్తి ZPHS పిల్లలకి ఉపయోగపడేవి అందించాను అన్నారు. ఇదే సందర్భంలో వారి కుటుంబాన్ని గ్రామ పెద్దలు అభినందించారు. ఈ కార్యక్రమంలో ఆటా బోర్డ్ ఆఫ్ ట్రస్టీ కాశీ కొత్త కుటుంబసభ్యులు, స్థానిక ప్రజా ప్రతినిధులు, ZPHS ప్రధానోపాధ్యాయులు, ఉపాద్యాయులు, విద్యార్థులు, గ్రామస్థులు తదితరులు పాల్గొన్నారు.