మరోసారి కరోనా బారిన పడిన అమెరికా హెల్త్ సెక్రటరీ
అమెరికా దేశ హెల్త్ సెక్రటరీ జేవియర్ బెకెర్రా మరోసారి కరోనా బారిన పడ్డారు. గత నెల బెర్లిన్ పర్యటనకు వెళ్లిన సమయంలో ఆయనకు కరోనా పాజిటివ్ అని తేలింది. దాంతో చికిత్స తీసుకుంటూ క్వారంటైన్లోకి వెళ్లిపోయారు. ఆయనకు మరోసారి కరోనా సోకినట్లు తాజాగా వెల్లడైంది. కాలిఫోర్నియా, లాస్ ఏంజెలిస్లో ఇటీవల జరిగిన కాంట్రవర్షియల్ సమావేశం సమిట్ ఆఫ్ ది అమెరికాస్లో పాల్గొన్నారు. దీన్ని అమెరికా అధ్యక్షుడు జో బైడెన్, ఉపాధ్యక్షురాలు కమలా హ్యారిస్ నిర్వహించారు. ఆ తర్వాత శాక్రమెంటోలో బెకెర్రాకు చేసిన యాంటీజెన్ టెస్టులో ఆయనకు కరోనా సోకినట్లు తేలింది. అయితే వీళ్లిద్దరికీ కూడా బెకెర్రా క్లోజ్ కాంటాక్ట్ కాదని, కావున వారికి కరోనా సోకిందనే భయం అక్కర్లేదని ప్రభుత్వ ప్రతినిధులు తెలిపారు. బెకెర్రా రెండు డోసుల కరోనా వ్యాక్సిన్తో పాటు బూస్టర్ డోస్ కూడా తీసుకున్నారు.