ఈ సంక్రాంతికి పూర్తి కుటుంబ కథా చిత్రంగా మా "కళ్యాణం కమనీయం" విడుదలవుతుంది - సంతోష్ శోభన్
యువ హీరో సంతోష్ శోభన్, కోలీవుడ్ తార ప్రియ భవానీ శంకర్ నటిస్తున్న కొత్త సినిమా "కళ్యాణం కమనీయం". ఈ చిత్రాన్ని యూవీ కాన్సెప్ట్స్ సంస్థ నిర్మిస్తోంది.
పెళ్లి నేపథ్యంతో సాగే ఆహ్లాదకరమైన కథనాలతో నూతన దర్శకుడు అనిల్ కుమార్ ఆళ్ల దర్శకత్వం వహించగా, జనవరి 14న సంక్రాంతి కానుకగా విడుదలవుతుంది.
కంటెంట్ ఉన్న మూవీ, సకుటుంబంగా థియేటర్ కు వెళ్లి ఎంజాయ్ చేసే మూవీగా టాక్ రావడం తో పాటు విడుదలైన పాటలు, ట్రైలర్ ప్రేక్షకుల దృష్టిని ఆకర్శించాయి.
ఈ సందర్బంగా చిత్రానికి సంబంధించిన ప్రీ-రిలీజ్ ప్రెస్ మీట్ లో భాగంగా...
హీరో సంతోష్ శోభన్ మాట్లాడుతూ "దర్శకుడికి, హీరోయిన్ ప్రియ కి తెలుగులో ఇదే మొదటి సినిమా. ఎలాంటి కోవిడ్ నియమాలు లేని సంక్రాంతి కి ఈ సినిమా రావటం చాలా సంతోషంగా ఉంది. చిరంజీవి బాలకృష్ణ గారి సినిమాలతో సంక్రాంతి కి మళ్ళీ ఒక కళ వచ్చింది, వాళ్ళ సినిమాలతో పాటు మా సినిమాకి కూడా ఈ అవకాశం రావటం చాలా అదృష్టంగా భావిస్తున్నాం. యువి క్రియేషన్స్ అనేది నా ఫ్యామిలీ, వాళ్ళెప్పుడూ నాకు వెన్నుదన్ను గా ఉంటారు. వంశీ, విక్కీ, అజయ్ అన్న థాంక్స్. అనుభవం ఉన్న డైరెక్టర్ల దగ్గర్నించి ఎంత నేర్చుకున్నానో కొత్త దర్శకుదైన అనిల్ దగ్గర నుంచి కూడా అంతే నేర్చుకున్నా. నాకు దర్శకుడు అంటే దేవుడితో సమానం. ఇప్పటివరకు చేసిన సినిమాల కంటే ఇది చాలా కొత్తగా ఉంటుంది. ఈ సినిమాకి ఎంత క్రెడిట్ వచ్చినా అది మొత్తం అనిల్ కే దక్కాలి. ప్రియా చాలా బాగా చేసింది తను చేసిన పాత్ర అంత ఈజీ కాదు కానీ అద్భుతంగా చేసింది. థాంక్స్ ప్రియా. శివ పాత్రకి మొదటి ఆప్షన్ నేను కాదు అది ఎవరో మీరే అనిల్ ని అడగాలి కానీ శృతి పాత్రకి ప్రియా నే మొదటి ఆప్షన్. నా సహనటులు అందరికీ చాలా థాంక్స్. అనిల్ క్రియేటివిటీ ని ఒక్క కార్తీక్ మాత్రమే బాగా అర్థం చేసుకోగలడనిపించింది అంత బాగుంది సినిమాటోగ్రఫీ. శ్రవణ్ భరద్వాజ్ చక్కని సంగీతం ఇచ్చాడు ప్రతీ పాట కథని ముందుకి తీసుకెళ్ళేదిగానే ఉంటుంది. ఎడిటర్ సత్య మరియు టీం అందరికీ చాలా థాంక్స్."
హీరోయిన్ ప్రియ భవాని శంకర్ మాట్లాడుతూ "ఇది తెలుగులో నా మొదటి సినిమా. చాలా ఎక్సయిటింగ్ గా ఉంది అలాగే భయంగానూ ఉంది. ఈ సారి తెలుగులో మాట్లాడటానికి ట్రై చేస్తాను. థాంక్స్ టూ యూవీ క్రియేషన్స్ నన్ను చాలా వండర్ఫుల్ గా లాంచ్ చేసారు. అనిల్ మొదటి సినిమాలో నేను పార్ట్ అయినందుకు నాకు చాలా హ్యాపీగా ఉంది. సినిమాలో ఉన్న శృతి క్యారెక్టర్ ఎలాంటిదో నాది ఇంచుమించు అలాంటి క్యారెక్టరే. థాంక్స్ సంతోష్, ఒక మంచి కో-స్టార్ గా ఉన్నందుకు. మ్యూజిక్ చాలా బ్యూటిఫుల్ గా ఉంది. అందరికీ చాలా థాంక్స్. సినిమా చూసి ఎంజాయ్ చేయండి. అందరికీ హ్యాపీ సంక్రాంతి" అన్నారు.
నటుడు దేవి ప్రసాద్ మాట్లాడుతూ "ఈ సినిమాలో నాకు మంచి పాత్ర ఇచ్చినందుకు అనిల్ కి మరియు ప్రొడ్యూసర్స్ కి చాలా థాంక్స్. ఈ మూవీ చూసాక ప్రతీ ప్రేక్షకుడికి వాళ్ళ రియల్ లైఫ్ లో ని పాత్రలు, కొన్ని సంఘటనలు గుర్తొస్తాయి.అనిల్ గారు ఈ కథని చాలా రియలిస్టిక్ క్యారెక్టర్స్ తో రాసుకున్నారు. అనిల్ సెన్సిబుల్ అండ్ క్లారిటీ ఉన్న దర్శకుడు. సంతోష్ మరియు ప్రియ ఇద్దరూ చాలా బాగా నటించారు.ఈ సినిమాలో ఉన్న క్యారెక్టర్స్ నా లైఫ్ లో కూడా కొన్ని ఉన్నాయి. సినిమాటోగ్రఫీ, సాంగ్స్ చాలా బాగున్నాయి. సంక్రాంతి పండగకి ఫ్యామిలీతో కలిసి చూసే చక్కని సినిమా కళ్యాణం కమనీయం. డైరెక్టర్ అనిల్ కి సంతోష్ కి ప్రియ కి మా అందరికీ మీ అందరి ఆశీస్సులు, ఆదరణ కావాలి" అన్నారు.
కమెడియన్ సద్దాం మాట్లాడుతూ "చాలా మంచి క్యారెక్టర్ ఇచ్చారు అనిల్ అన్న నాకు చాలా థాంక్స్ అన్నా. రియల్ లైఫ్ లో కనెక్ట్ అయ్యే క్యారెక్టర్ లు సినిమాలో చాలా ఉన్నాయి. ఇండస్ట్రీ కి వచ్చిన కొత్తలోనే దేవీప్రసాద్ సార్ బ్లెస్సింగ్స్ తీసుకున్నాను, మొదట ఆయనకే కాల్ చేశాను. ఈ మూవీ నాకో మంచి జర్నీ అందరికి చాలా థాంక్స్" అన్నారు.
దర్శకుడు అనిల్ కుమార్ మాట్లాడుతూ, "మనం జెన్యూన్ గా ఒక కథ రాసుకుంటే యూనివర్స్ మొత్తం మనకి హెల్ప్ చేస్తుందని నేను నమ్ముతాను. ఈ కథ అలా రాసుకున్నదే. జీవితంలో నేర్చుకోవాల్సిన చాలా పాఠాలు కళ్యాణం కమనీయం లో ఉన్నాయి. నా ఫ్రెండ్ వేదవ్యాస్ నుంచి ప్రారంభమయిన ఈ కథ, యువి వరకి వచ్చింది, యూవీ క్రియేషన్స్ వచ్చాక ఇక వెనక్కి తిరిగి చూసుకోలేదు ఆ అవసరం రాలేదు.ఈ సినిమాకి పనిచేసిన సాంకేతిక నిపుణులు అందరూ చాలా బాగా చేసారు. ఒక జెన్యూన్ కథ కథనాలతో చేసిన మూవీ ఇది, ఇందులో చాలా అద్భుతమైన క్యారెక్టర్స్ ఉన్నాయి. తప్పకుండా మీ అందరికీ నచ్చుతుందని నమ్ముతున్నా" అన్నారు.
Click here for Santosh Shoban Gallery
