రోజురోజుకూ ముదురుతున్న సమంత వ్యవహారం.... గగ్గోలు పెడుతున్న అక్కినేని అభిమానులు
అక్కినేని కోడలు సమంత ఇష్యూ నెట్టింట ఓ రేంజ్‌లో వైరల్ అవుతోంది. ఆమె ఎప్పుడైతే తన ట్విట్టర్ ఖాతా నుంచి 'అక్కినేని' అనే పదాన్ని తొలగించిందో అప్పటినుంచి పుకార్లు మొదలయ్యాయి. ప్రస్తుతం ఎక్కడ చూసినా ఒక్కటే చర్చ.. అదే సమంత- నాగ చైతన్య డివోర్స్ ఇష్యూ. దీనిపై ఎన్నో రకాలుగా రూమర్స్ వస్తున్నా అక్కినేని ఫ్యామిలీ పట్టించుకోకపోవడంతో రోజు రోజుకూ చర్చలు ముదురుతున్నాయి. చై- సామ్ నడుమ అభిప్రాయ భేదాలు తలెత్తాయని, వాళ్లిద్దరూ విడిపోయేందుకు రెడీ అయ్యారనే వార్తలు పుట్టుకొచ్చాయి. అయితే ఇలాంటి వార్తలపై అక్కినేని ఫ్యామిలీ నుంచి ఏ ఒక్కరూ స్పందించకపోవడం జనాల్లో ఉన్న అనుమానాలకు రెక్కలు కట్టింది. మరోవైపు సమంత ఒంటరిగా టూర్స్ వేస్తుండటం, సోషల్ మీడియాలో ఆమె పెడుతున్న పోస్టులు పలు సందేహాలు క్రియేట్ చేస్తున్నాయి.
మొన్నటికి మొన్న తిరుమలలో సామ్ వ్యవహరించిన తీరు, విడాకుల ఇష్యూపై రియాక్ట్ కావాలని అడిగిన మీడియా పర్సన్‌ని 'బుద్దుందా..' అని అనడం హాట్ టాపిక్ అయింది. మరోవైపు నాగ చైతన్య కూడా 'లవ్ స్టోరీ' ప్రమోషన్స్‌లో మీడియా వాళ్ళు తన పర్సనల్ విషయాలు అడగకుండా చూసుకోవాలని పీఆర్ టీమ్‌కి చెప్పారని తెలియడం అక్కినేని అభిమానుల్లో ఆందోళన నింపింది.అలా అలా చూస్తుండాగానే సమంత- నాగ చైతన్య ఇష్యూ జనం నోళ్ళలో నానిపోయింది. రోజురోజుకూ దీనిపై చర్చలు ముదురుతున్నాయి తప్ప చల్లారడం లేదు. సినీ వర్గాల్లో ఎక్కడ చూసినా అదే టాపిక్ నడుస్తోంది.
ఈ పరిస్థితులు చూసి హర్ట్ అయిన అక్కినేని ఫ్యాన్స్.. ఇకనైనా సామ్ నోరు విప్పాలని కోరుకుంటున్నారు. ఈ మేరకు ఆమె సన్నిహిత వర్గాలు కూడా ఒత్తిడి తెస్తున్నాయని తెలుస్తోంది. వీలైనంత త్వరగా ఈ ఇష్యూకి ఫుల్‌స్టాప్ పెట్టాలని అక్కినేని అభిమానులు కోరుకుంటున్నారు. సో.. చూడాలి మరి ఈ సస్పెన్స్ ఎప్పుడు వీడుతుందో?
