"విడుదల పార్ట్ 1" సక్సెస్ కావడంతో నిర్మాతలు ఒకరికొకరు శుభాకాంక్షలు తెలుపుకున్నారు
విలక్షణ దర్శకుడు వెట్రిమారన్ దర్శకత్వం వహించిన తమిళ చిత్రం ‘విడుతలై’ మొదటి భాగం మార్చి 31న థియేటర్లలో తెలుగులో "విడుదల" పేరుతో విడుదలైంది. ఈ సినిమా ప్రేక్షకులు మరియు విమర్శకుల నుండి అద్భుతమైన టాక్ ను అందుకొని విజయవంతంగా నడుస్తోంది. ఈ చిత్రం ఏప్రిల్ 15న తెలుగులో ప్రొడ్యూసర్ అల్లు అరవింద్ 'గీతా ఫిల్మ్' డిస్ట్రిబ్యూషన్ ద్వారా విడుదల చేసారు.
విజయ్ సేతుపతి, సూరి ప్రధాన పాత్రల్లో నటించిన ఈ చిత్రానికి అందరి నుండి సూపర్ పాజిటివ్ రెస్పాన్స్ వచ్చింది. తెలుగులో ఈ సినిమా కు వచ్చిన రెస్పాన్స్ చూసిన తర్వాత తమిళ చిత్ర నిర్మాత 'ఎల్రెడ్ కుమార్' తెలుగు వెర్షన్ నిర్మాత అయిన 'అల్లు అరవింద్' గారిని కలిశారు. ఈ సినిమా రెండు భాషల్లో ఘనవిజయం సాధించినందుకు వారిద్దరూ ఒకరికొకరు శుభాకాంక్షలు తెలుపుకున్నారు.
ప్రేక్షకుల నుండి పాజిటివ్ స్పందన రావడంతో మేకర్స్ సంతోషిస్తున్నారు. చిత్ర నిర్మాత ఎల్రెడ్ కుమార్, ప్రేక్షకుల నుండి పాజిటివ్ స్పందన వచ్చిన తర్వాత తాను ఎంత రిలీఫ్ అయ్యానో అనే విషయాన్ని గుర్తుచేసుకున్నాడు మరియు చిత్రాన్ని పంపిణీ చేసిన 'గీతా ఫిల్మ్ డిస్ట్రిబ్యూషన్'కు ధన్యవాదాలు తెలిపారు. తెలుగు ప్రేక్షకులు కూడా ఈ చిత్రాన్ని తమ సినిమాగా ఆదరించడం పట్ల ఆయన సంతోషం వ్యక్తం చేశారు.
వెట్రిమారన్ దర్శకత్వం వహించిన ఈ చిత్రాన్ని 'ఆర్ఎస్ ఇన్ఫోటైన్మెంట్' మరియు 'గ్రాస్ రూట్ ఫిల్మ్ కంపెనీ' బ్యానర్లపై ఎల్రెడ్ కుమార్ నిర్మించారు. ఈ చిత్రానికి ఆర్. వేల్రాజ్ సినిమాటోగ్రాఫర్ మరియు లెజెండరీ సంగీత విద్వాంసుడు మాస్ట్రో ఇళయరాజా చిత్ర సౌండ్ట్రాక్ను సమకూర్చారు.