చైనాలో ఒక్కరోజే 3.7 కోట్ల మందికి

చైనాలో కరోనా వైరస్‌ అత్యంత వేగంగా వ్యాప్తి చెందుతున్నది. ఒక్క రోజులోనే 3.7 కోట్ల మందికి వైరస్‌ సోకందని బ్లూమ్‌బర్గ్‌ సంస్థ పేర్కొంది. కరోనా ప్రభావం మొదలైన తర్వాత ప్రపంచవ్యాప్తంగా ఒక్క రోజులో ఈ స్థాయి కేసులో నమోదు కావడం కూడా ఇదే తొలిసారి. ఈ కథనం డిసెంబర్‌ మొదటి 20 రోజుల్లో 24.8 కోట్ల మంది చైనా  ప్రజలు వైరస్‌ బారిన పడ్డారు. ఇది ఆ దేశ జనాభాలో దాదాపుగా 18 శాతం. రాజధాని బీజింగ్‌, సిచువాన్‌ ప్రావిన్స్‌లో దాదాపుగా సగం మందికి వైరస్‌ సోకింది. చైనాకు చెందిన నేషనల్‌ హెల్త్‌ కమిషన్‌ అంతర్గత సమావేశంలో అధికారులు ఈ అంచనా వేశారు. ఈ సమావేశం వివరాలు బయటకు పొక్కడంతో ఈ లెక్కలు  బహిర్గతమయ్యాయి. అయితే ఈ అంచనా ఎలా వేశారనేది మాత్రం వెల్లడికాలేదు. దీనిపైన స్పందించేందుకు కూడా ఈ సంస్థ నిరాకరించింది.