TAL జాతీయ బ్యాడ్మింటన్ టోర్నమెంట్ 2024

తెలుగు అసోసియేషన్ ఆఫ్ లండన్ (TAL) వారి ఆధ్వర్యంలో “తాల్ నేషనల్ బ్యాడ్మింటన్ టోర్నమెంట్ 2024”  శనివారం 16 మార్చి 2024 న మరియు 6-ఏప్రిల్ 2024 న  ఓస్టర్లీ స్పోర్ట్స్ అండ్ అథ్లెటిక్ సెంటర్, ఐల్ వర్త్, లండన్ (వెస్ట్) లో ఘనంగా జరిగాయి.

లండన్, పరిసర ప్రాంతాల్లో నివసిస్తున్న తెలుగు వారు ఈ కార్యక్రమాన్ని  ప్రత్యేకంగా వీక్షించారు. ఈ క్రీడా కార్యక్రమం లో 250 మందికి పైగా మెన్స్ డబుల్స్, మెన్స్ 40+ డబుల్స్, మిక్సడ్ డబుల్స్, ఉమెన్స్ డబుల్స్,  కిడ్స్ అండర్ 16 లాంటి అనేక విభాగాల్లో పాల్గొన్నారు.

ప్రముఖ తెలుగు హాస్యనటుడు అలీ పాల్గొని విజేతలకు ట్రోఫీలను అందచేశారు. ఈ సందర్భంగా ఆయన మాట్లాడుతూ, పోటీలో పాల్గొనేవారి నాణ్యత , కృషిని కొనియాడారు మరియు ప్రజలందరినీ ఏకతాటిపైకి తీసుకురావడానికి TAL చేసిన ప్రయత్నాలను ప్రశంసించాడు.

శ్రీ రవి సబ్బ (చైర్మన్), శ్రీ కిరణ్ కప్పెట (వైస్ చైర్మన్) ఈ సందర్భంగా అలీకి ప్రత్యేక ధన్యవాదాలు తెలిపారు. అలాగే ఈ కార్యక్రమం విజయవంతం కావడానికి తోడ్పడిన వాలంటీర్స్ కు, క్రీడాకారులకు, కార్యకర్తలు సుధాకర్ గుబ్బల (కోర్ టీమ్), బాలాజీ కల్లూరు (కోర్ టీమ్), అనిల్ రెడ్డి (కోర్ టీమ్), రాజేష్ వీరమాచనేని, రాజేష్ తోలేటి (TAL మాజీ వైస్ చైర్మన్/కోశాధికారి), వెంకట్ నీల (ట్రస్టీ – నిధుల సేకరణ), అనిల్ అనంతుల (ట్రస్టీ – మెంబర్‌షిప్ & ట్రెజరర్), రాయ్ బొప్పన (ఐటీ ఇన్‌ఛార్జ్) కు ప్రత్యేక కృతజ్ఞతలు తెలియచేశారు.

విజేతల వివరాలు:

బెస్ట్ ప్లేయర్: మనోభిరామ్

ఎమర్జింగ్ ప్లేయర్: కళ్యాణ్

Click here for Event Gallery