అమెరికాలో కలకలం... కరోనా కంటే 100 రెట్లు ప్రమాదం
అమెరికాలో బర్డ్‌ ఫ్లూ కలకలం రేపుతోంది. హెచ్‌5ఎన్‌1 రకంగా దీన్ని గుర్తించారు. ఇది కరోనా కంటే 100 రెట్లు ప్రమాదకరమని వైద్య నిపుణులు హెచ్చరిస్తున్నారు. హెచ్‌5ఎన్‌ 1 వైరస్‌ వ్యాప్తి మానవాళికి అధిక ముప్పు కల్గిస్తుంది. ఈ వైరస్‌ వేగంగా వ్యాప్తి చెందుతుంది. అధిక మరణాల రేటుకు దారితీయొచ్చని వైద్య నిపుణులు హెచ్చరిస్తున్నారు. ప్రస్తుతం ఆవులు, పిల్లులుపై హెచ్‌5ఎన్‌1 వైరస్‌ను గుర్తించినట్లు పిట్‌బర్గ్‌లోని ప్రముఖ బర్డ్‌ఫ్లూ పరిశోధకుడు డాక్టర్‌ సురేష్‌ కూచిపూడి తెలిపారు. ఈ వైరస్‌ సులభంగా వ్యాప్తి చెందడమే కాకుండా మానవులకు సోకే ప్రమాదముందన్నారు. ఫార్మా స్యూటికల్‌ పరిశ్రమ కన్సల్టెంట్‌ జాన్‌ ఫుల్టన్‌ మాట్లాడుతూ హెచ్‌5ఎన్‌1 మహమ్మారి చాలా తీవ్రంగా ఉంటుంది. ఇది కోవిడ్‌-19 మహమ్మారి కంటే ప్రాణాంతకమని అన్నారు. కోవిడ్‌ కంటే 100 రెట్లు ప్రమాదకరం, అధిక మరణాల రేటు ఉంటుందని ఆందోళన వ్యక్తం చేశారు.
