ఘనంగా బాటా ఉగాది సంబరాలు
బే ఏరియా తెలుగు అసోసియేషన్‌ (బాటా) నిర్వహించే వేడుకల్లో ప్రత్యేకమైన, బే ఏరియా తెలుగు కమ్యూనిటీలో అత్యంత ప్రజాదరణ పొందిన ‘‘శ్రీ క్రోధి’’ నామ సంవత్సర ఉగాది సంబరాలు కాలిఫోర్నియాలో ఉన్న మిల్‌పిటాస్‌లోని ఇండియా కమ్యూనిటీ సెంటర్‌లో ఘనంగా జరిగాయి. 2,000 కంటే ఎక్కువ మంది అతిథులు ఈ వేడుకలకు హాజరయ్యారు. ఏప్రిల్‌ 6వ తేదీ ఉదయం 10 గంటలకు యూత్‌ టాలెంట్‌ షో (డ్యాన్స్‌ సింగింగ్‌)తో ప్రారంభమైన ఈ కార్యక్రమం రాత్రి 11 గంటల వరకు వివిధ సాంస్కృతిక కార్యక్రమాలతో కొనసాగింది.
ఈ వేడుకకు వ్యాపార వర్గాల నుంచి భారీ మద్దతు లభించింది. ఈ ఈవెంట్‌ రియల్టర్‌ నాగరాజ్‌ అన్నయ్య సమర్పించారు. గ్రాండ్‌ స్పాన్సర్‌గా సంజయ్‌ టాక్స్‌ ప్రో ఇంక్‌ వ్యవహరించింది. గోల్డ్‌ స్పాన్సర్‌ శ్రీని గోలీ రియల్‌ ఎస్టేట్స్‌, డెంటల్‌ పార్టనర్‌ యూస్మైల్‌ డెంటల్‌తోపాటు ఇతర స్పాన్సర్‌లలో పిఎన్‌జి జ్యూవెలర్స్‌, జ్యోతిష్యుడు విష్ణు, పాఠశాల (తెలుగు పాఠశాల), మహాకాళేశ్వర ఆలయం ఉంది. ఈ సందర్భంగా వేదికను ఉగాది సంప్రదాయాన్ని గుర్తు చేసేలా తోరణాలతో అలంకరించారు. ప్రవేశ ప్రాంగణం వివిధ రకాల భారతీయ సాంప్రదాయ ఆభరణాలు, దుస్తులు, రియల్‌ ఎస్టేట్‌, ఆర్థిక, పన్ను సేవలు మరియు ప్రత్యేక ఆహార ఉత్సవంలో 100కు పైగా వంటకాలను ఉంచారు.
తెలుగు సంవత్సరాది ప్రారంభం సందర్భంగా ఉగాది పచ్చడిని అందరికీ ప్రత్యేకంగా వడ్డించారు. ఉగాది వేడుకల సందర్భంగా నిర్వహించిన పోటీలకు విపరీతమైన స్పందన వచ్చింది మరియు రెండు వేర్వేరు హాళ్లలో 300 కంటే ఎక్కువ మంది పిల్లలు శాస్త్రీయ, జానపద/సినిమా గానం, నృత్యం మరియు ప్రత్యేక ప్రతిభతో ఉత్సాహంగా పాల్గొన్నారు. సాయంత్రం 6 గంటలకు ప్రధాన సాంస్కృతిక కార్యక్రమాలు ప్రారంభమయ్యాయి. విజయ ఆసూరి (బాటా సలహాదారు) అతిథులందరికీ సాదరంగా స్వాగతం పలికారు మరియు ప్రపంచంలోని నృత్య రూపాలను కవర్‌ చేస్తూ 200 మందికి పైగా పిల్లల ప్రదర్శనలను ప్రదర్శించడానికి తెరలు తొలగించారు. బాటా సాంస్కృతిక బృందం వివిధ ప్రదేశాలలో సాంస్కృతిక కార్యక్రమాలకోసం పిల్లల చేత అభ్యాసాలను నిర్వహించింది.
బాటా ఉగాది వేడుకల్లో హైలైట్‌గా చాలా కార్యక్రమాలు నిలిచాయి. రోబో గణేశన్‌ (ఆశ్చర్యపరిచే వైవిధ్యమైన చర్యలు, అతను గిన్నిస్‌ బుక్‌ వరల్డ్‌ రికార్డ్‌ హోల్డర్‌) చేసిన ప్రదర్శన అందరినీ ఆకట్టుకుంది. అలాగే వావ్‌ కార్యక్రమం, చిత్రం భళారే విచిత్రం, మహిషాసుర మర్ధని (కూచిపూడి డ్యాన్స్‌ బ్యాలెట్‌) యూత్‌ టాలెంట్‌ షో వంటివి ఆకట్టుకున్నాయి. స్టార్‌ స్టార్‌ మెగాస్టార్‌ పేరుతో చిరు చిత్రాల ఆట పాటలతో వీనులవిందు చేశారు. వివిధ కమ్యూనిటీ ఆర్గనైజేషన్‌ నాయకులు, ఎన్నికైన అధికారులు వేడుకలను విజయవంతంగా నిర్వహించిన బాటా బృందాన్ని అభినందించారు, ఒక అద్భుతమైన కార్యక్రమాన్ని ఏర్పాటు చేసినందుకు మరియు మన సంస్కృతి, వారసత్వం మరియు సంప్రదాయాలను తరువాతి తరాలకు పరిరక్షించడంలో బాటా చేస్తున్న కృషిని అభినందించారు.
ప్రెసిడెంట్‌ వాలంటీర్‌ సర్వీస్‌ అవార్డ్స్‌ గత సంవత్సరంలో స్వచ్ఛందంగా పనిచేసిన యువ వాలంటీర్లకు అందజేశారు. యువ వలంటీర్లు చేస్తున్న సేవలను వైట్‌ హౌస్‌ జాతీయ అవార్డుతో గుర్తిస్తున్నట్లుగానే బాటా కూడా వలంటీర్ల సేవలను అవార్డులతో ప్రోత్సహిస్తోంది.
ఉగాది వేడుకలను విజయవంతం చేసిన వలంటీర్లకు, ఇతరులకు బాటా అధ్యక్షుడు కొండల్‌ కొమరగిరి ధన్యవాదాలు తెలిపారు. ఈ సందర్భంగా బాటా ఎగ్జిక్యూటివ్‌ కమిటీ సభ్యులైన శివ కదా, వరుణ్‌ ముక్క, హరి సన్నిధిని పరిచయం చేశారు.
‘‘స్టీరింగ్‌ కమిటీ’’ సభ్యులు రవి తిరువీదుల, కమేష్‌ మల్ల, యశ్వంత్‌ కుదరవల్లి, సుమంత్‌ పుసులూరి కల్చరల్‌ కమిటీలో శ్రీదేవి పసుపులేటి, శ్రీలు వెలిగేటి శిరీష బత్తుల, తారక దీప్తి ఉన్నారు.
‘‘లాజిస్టిక్స్‌ టీమ్‌’’లో సందీప్‌ కేదారిసెట్టి, సురేష్‌ శివపురం, రవి పోచిరాజు ఉన్నారు. యూత్‌ కమిటీ - సంకేత్‌, ఉదయ్‌, ఆది, గౌతమి, సందీప్‌, హరీష్‌. ఆర్ట్స్‌ అండ్‌ డిజైన్‌ కమిటీలో కళ్యాణి, దీప్తి, కృష్ణ ప్రియ, శ్రవంతి ఉన్నారు.
అడ్వయిజరీ బోర్డు సభ్యులు జయరామ్‌ కోమటి, విజయ ఆసూరి, వీరు వుప్పల, ప్రసాద్‌ మంగిన, కరుణ్‌ వెలిగేటి, రమేష్‌ కొండా, కళ్యాణ్‌ కట్టమూరి, హరినాథ్‌ చీకోటి ఈ కార్యక్రమాన్ని విజయవంతం చేసినందుకు బాటా బృందానికి అభినందనలు తెలియజేసారు.
ఈ కార్యక్రమంలో తానా కమిటీ సభ్యులు వెంకట్‌ కోగంటి, శ్రీనివాస్‌ తదితరులు పాల్గొన్నారు.
ఈ సందర్భంగా పాఠశాల బృందాన్ని,, టీచర్లు, కో ఆర్డినేటర్లను పరిచయం చేశారు. తెలుగు భాషను ప్రోత్సహించడానికి, బోధించడానికి తానా, బాటా, తెలుగు టైమ్స్‌ ఏర్పాటు చేసిన సంస్థ పాఠశాల.
