లైకా ప్రొడక్షన్స్ లో ఏకంగా ఒకే సారి రెండు సినిమాలు చేస్తున్న తలైవా!
ఏడు పదుల వయసులోనూ సూపర్ స్టార్ రజినీకాంత్ స్పీడు మీదున్నారు. ఆ మధ్య ఆయన అనారోగ్య కారణాలతో సినిమాలు చేయటంలో కాస్త స్పీడు తగ్గించిన సంగతి తెలిసిందే. పెద్దన్న తర్వాత తలైవా చేస్తున్న చిత్రం జైలర్ . నెల్సన్ దిలీప్ కుమార్ తెరకెక్కిస్తోన్న ఈ చిత్రాన్ని వచ్చే ఏడాది తమిళ సంవత్సరాది సందర్భంగా ఏప్రిల్ 14న రిలీజ్ చేస్తున్నారు. ఈ సినిమా షూటింగ్ దశలో ఉండగానే రజినీకాంత్ ఏకంగా.. పెద్దన్న తర్వాత తలైవా చేస్తున్న చిత్రం జైలర్. నెల్సన్ దిలీప్ కుమార్ తెరకెక్కిస్తోన్న ఈ చిత్రాన్ని వచ్చే ఏడాది తమిళ సంవత్సరాది సందర్భంగా ఏప్రిల్ 14న రిలీజ్ చేస్తున్నారు.
ఈ సినిమా షూటింగ్ దశలో ఉండగానే రజినీకాంత్ ఏకంగా రెండు సినిమాలు చేయటానికి గ్రీన్ సిగ్నల్ ఇచ్చారు. కోలీవుడ్ అగ్ర నిర్మాణ సంస్థల్లో ఒకటైన లైకా ప్రొడక్షన్స్ బ్యానర్‌లోనే ఈ రెండు సినిమాలు తెరకెక్కబోతున్నాయి. ఇంతకు ముందు రజినీకాంత్, లైకా ప్రొడక్షన్స్ కాంబినేషన్‌లో 2.0 సినిమా రూపొందిన సంగతి తెలిసిందే. ఆ తర్వాత ఇప్పుడు ఏకంగా లైకా తన అభిమాన హీరోతో ఏకంగా రెండు సినిమాలు నిర్మించబోతున్నారు. ఆసక్తికరమైన విషయమేమంటే నవంబర్ 5న ఈ రెండు సినిమాలు ప్రారంభం కాబోతున్నాయి. అంటే ఒకే రోజున రెండు మూవీస్ ట్రాక్ ఎక్కబోతున్నాయి. డెబ్బై ఏళ్ల వయసులోనూ రజినీకాంత్ రెండు సినిమాలు చేయబోతుండటం గొప్ప విషయంగానే చెప్పాలి. ఈ రెండు చిత్రాలకు దర్శకులెవరనే దానిపై త్వరలోనే క్లారిటీ రానుందని కోలీవుడ్ వర్గాలంటున్నాయి. శుక్రవారం లైకా ప్రొడక్షన్స్ అధినేత సుభాస్కరన్, సీఈఒ తమిళ్ మురుగన్ రజినీకాంత్ ను ప్రత్యేకంగా కలిసి సినిమాలకు సంబంధించిన చర్చలు జరిపారు. రజినీకాంత్ ఫ్యాన్స్‌ని అలరించేలా భారీ బడ్జెట్‌లతో, భారీ తారాగణం, సాంకేతిక నిపుణులతో సినిమాలను రూపొందించనున్నారని మేకర్స్ తెలిపారు.
