ఓలా S1 X+ స్కూటర్ ఇప్పుడు కేవలం INR 89,999 లకే; #EndICEAgeని వేగవంతం చేయనున్న కంపెనీ
వచ్చే వారం నుండి S1 X+ డెలివరీలు
'డిసెంబర్ టు రిమెంబర్' క్యాంపెయిన్‌ లో భాగంగా అద్భుతమైన ఆఫర్లు
భారతదేశంలో అతిపెద్ద EV కంపెనీ అయిన ఓలా ఎలక్ట్రిక్, #EndICEAge మిషన్‌ను మరింత వేగవంతం చేసేందుకు 'డిసెంబర్ టు రిమెంబర్' క్యాంపెయిన్‌ ని ఈరోజు ప్రకటించింది. రేపటి (డిసెంబర్ 3) నుండి ప్రారంభమయ్యే ఈ క్యాంపెయిన్‌ లో భాగంగా, S1 X+ ఇప్పుడు ఫ్లాట్ INR 20,000 తగ్గింపుతో INR 89,999 కే అందుబాటులో ఉంది. ఈ ఆఫర్ S1 X+ని అత్యంత సరసమైన 2W EV స్కూటర్‌లలో ఒకటిగా చేస్తుంది.
S1 X+ సరసమైన ధరలో అత్యుత్తమ పనితీరు, అధునాతన సాంకేతికత మరియు అత్యుత్తమ రైడ్ నాణ్యతను అందిస్తుంది. ఈ స్కూటర్ 3kWh బ్యాటరీతో వస్తుంది మరియు 151 కిమీల సర్టిఫైడ్ రేంజ్ ని అందిస్తుంది. సమర్థమైన 6kW మోటార్‌తో, S1 X+ కేవలం 3.3 సెకన్లలో 0-40 kmph వేగాన్ని అందుకుంటుంది మరియు 90 kmph గరిష్ట వేగాన్ని తాకుతుంది.
అన్షుల్ ఖండేల్వాల్, చీఫ్ మార్కెటింగ్ ఆఫీసర్, ఓలా, మాట్లాడుతూ, “ఓలా ఎలక్ట్రిక్ నవంబర్ నెలలో 30,000 యూనిట్ల రిజిస్ట్రేషన్లతో రికార్డు బద్దలు కొట్టి కొత్త పరిశ్రమ బెంచ్‌మార్క్‌ను నెలకొల్పింది. విద్యుత్ వాహనాల స్వీకరణను మరింత వేగవంతం చేయడానికి మరియు EV లను మెయిన్ స్ట్రీమ్ చేయడానికి, ఈరోజు మేము మా సరికొత్త S1 X+తో ఎలక్ట్రిక్ వాహనాలను కొనుగోలు చేయడానికి ఉన్న అతి పెద్ద అవరోధాన్ని అధిగమిస్తున్నాము. ప్రముఖ ICE స్కూటర్‌కి సమానమైన ధరతో, S1 X+ #EndICEAge చేయడానికి సిద్ధంగా ఉందని మేము విశ్వసిస్తున్నాము. మా విస్తృత శ్రేణి స్కూటర్లు మరియు వాటి ఆకర్షణీయమైన ధరలతో , కస్టమర్‌లు ఇప్పుడు ICE వాహనాన్ని కొనుగోలు చేయడానికి ఎటువంటి కారణం ఉండదని నేను గట్టిగా నమ్ముతున్నాను."
ఫైనాన్స్ ఆఫర్లు
కొనుగోలుదారులు ఎంపిక చేసిన క్రెడిట్ కార్డ్‌లపై INR 5,000 వరకు తగ్గింపులు మరియు క్రెడిట్ కార్డ్ EMIలను పొందవచ్చు, అయితే ఫైనాన్స్ ఆఫర్‌లలో జీరో డౌన్ పేమెంట్, జీరో-ప్రాసెసింగ్ ఫీజు మరియు 6.99% చవకైన వడ్డీ రేట్లు వంటి ఇతర డీల్‌లు కూడా ఉంటాయి.
ఓలా ఇటీవల తన S1 పోర్ట్‌ఫోలియోను ఐదు స్కూటర్లకు విస్తరించింది. INR 1,47,499 ధరతో, S1 Pro (2వ తరం) కంపెనీ యొక్క ఫ్లాగ్‌షిప్ స్కూటర్. S1 ఎయిర్ INR 1,19,999 వద్ద అందుబాటులో ఉంది. అదనంగా, ICE-కిల్లర్ స్కూటర్ గా S1Xని మూడు వేరియంట్‌లలో ప్రవేశపెట్టింది - S1 X+, S1 X (3kWh), మరియు S1 X (2kWh). S1 X (3kWh) మరియు S1 X (2kWh) కోసం రిజర్వేషన్ విండో INR 999 తో ఇప్పటికే తెరవబడింది. S1 X (3kWh) మరియు S1 X (2kWh) స్కూటర్లు INR 99,999 మరియు INR 89,999 ప్రారంభ ధరలో అందుబాటులో ఉన్నాయి.
