మిషిగన్ ప్రైమరీలో బైడెన్, ట్రంప్ విజయం

అమెరికా అధ్యక్ష ఎన్నికల్లో రిపబ్లికన్‌ పార్టీ అభ్యర్థిత్వం కోసం పోటీ  పడుతున్న డొనాల్డ్‌ ట్రంప్‌ వరుస విజయాలు సాధిస్తున్నారు. ఇప్పటికే నాలుగు ప్రైమరీల్లో గెలిచిన ట్రంప్‌ తాజాగా మిషిగన్‌ ప్రైమరీలోనూ తన సత్తా చాటారు. ఈ ఎన్నికల్లో ట్రంప్‌ 66.4 శాతం ఓట్లు సాధించి ప్రత్యర్థి నిక్కీ హేలీపై భారీ ఆధిక్యంతో గెలుపొందారు. మరోవైపు అదే రాష్ట్రంలో డెమోక్రాట్ల తరపున ఆ పార్టీ నేత జో బైడెన్‌ కూడా విజయం సాధించారు. అయితే ఇజ్రాయెల్‌-హమాస్‌ యుద్ధంలో బైడెన్‌ వైఖరికి నిరసనగా డెమోక్రాటిక్‌ పార్టీలోని ముస్లిం ఓటర్లు ఆయనకు మద్దతివ్వకుండా తటస్థంగా ఉన్నట్లు తెలిసింది. ఆ పార్టీ ఓటర్లలో వీరు 14 శాతంగా ఉన్నారు.