మెల్ బోర్న్ తెలంగాణ ఫోరం ఆధ్వర్యంలో ఘనంగా తెలంగాణ కల్చరల్ ఉత్సవాలు
మెల్‌బోర్న్‌లో తెలంగాణ కల్చరల్ దినోత్సవాలను ఘనంగా నిర్వహించారు. మెల్‌బోర్న్‌ తెలంగాణ ఫోరం (ఎంటీఎఫ్‌) ఆధ్వర్యంలో నిర్వహించిన ఈ ఉత్సవాలకు తెలుగు మాట్లాడేవారు పెద్ద సంఖ్యలో హాజరయ్యారు. ఈ సందర్భంగా కళాకారులు తెలంగాణ సంస్కృతీ సంప్రదాయాలు ప్రతిబింభించేవిధంగా ప్రదర్శనలు ఇచ్చారు. ముఖ్యంగా రామాయణం, శ్రీరాముడి నేపథ్యంతో కూడిన జానపద నృత్యాలు, సంగీత ప్రదర్శనలు, నాటక ప్రదర్శనలు విశేషంగా ఆకట్టుకొన్నాయి. ఈ సందర్భంగా ఎంటీఎఫ్‌ అధ్యక్షురాలు లక్ష్మీ నూకల మాట్లాడుతూ తెలంగాణ సాంస్కృతీ దినోత్సవం కేవలం వారసత్వానికి సంబంధించినదే కాదని, మన సంస్కృతీ సంప్రదాయాలను కాపాడుకోవడం పట్ల మనకున్న నిబద్ధతకు నిదర్శమని చెప్పారు. ఈ కార్యక్రమంలో విక్టోరియన్‌ మల్టీకల్చరల్‌ కమ్యూనిటీ చైర్‌పర్సన్‌ వివియన్‌, మెల్‌బోర్న్‌లోని ఇండియన్‌ ఎంబసీ కాన్సుల్‌ జనరల్‌ డాక్టర్‌ సుశీల్‌ కుమార్‌ తదితరులు పాల్గొన్నారు.
