జూనియర్ యన్టీర్ 'ఎన్టీఆర్ శతజయంతి' వేడుక‌కి ఎందుకు రాలేదో? కారణం అదంటా!
స్వ‌ర్గీయ ఎన్టీఆర్ శత జయంతి ఆదివారం ( మే 28). శత జయంతి వేడుకలకు జూనియర్ ఎన్టీఆర్ రాకపోవటం ఆ వేడుకలను పర్యవేక్షిస్తోన్న టి.డి.జనార్ధన్ రీసెంట్ ఇంటర్వ్యూలో స్పందించారు ఆయ‌న అభిమానులు, కుటుంబ స‌భ్యులు, తెలుగుదేశం పార్టీ ఈ వేడుకలను ఘ‌నంగా నిర్వహిస్తున్నారు. ఈ శత జయంతి ఉత్స‌వాల‌ను ఎంతో మంది ఆస‌క్తిగా గ‌మ‌నిస్తున్నారు. సోషల్ మీడియాలో దీనికి సంబంధించిన వార్త‌లు వైర‌ల్ అవుతున్నాయి. అయితే ఇదే నేప‌థ్యంలో జూనియర్ ఎన్టీఆర్‌పై విమ‌ర్శ‌లు కూడా వ‌చ్చాయి. అందుకు కారణం.. మే 20న హైద‌రాబాద్‌లో జ‌రిగిన ఎన్టీఆర్ శత జయంతి వేడుక‌ల్లో ఆయ‌న హాజ‌రు కాలేదు. అలాగని ఎవ‌రూ హాజ‌రు కాలేదా? అంటూ సినిమాల ప‌రంగా నందమూరి ఫ్యామిలీని రైవ‌ల్రీ అని చెప్పుకునే మెగా కుటుంబం నుంచి రామ్ చ‌ర‌ణ్ వ‌చ్చారు. రామ్ చ‌ర‌ణ్ రావ‌ట‌మే కాదు.. స్వ‌ర్గీయ ఎన్టీఆర్ ఉన్న అనుబంధాన్ని ఆయ‌న చ‌క్క‌గా తెలియజేశారు. తెలుగు సినీ ఇండ‌స్ట్రీలో ద గ్రేట్ లెజెంట్ ఎన్టీఆర్ అని తెలుగు సినిమా ఖ్యాతిని ఖండాంత‌రాలు దాటించార‌ని గొప్ప‌గా మాట్లాడారు. రామ్ చ‌ర‌ణ్ మాట‌లు విని నందమూరి ఫ్యాన్స్ ఎంతో సంబ‌ర‌ప‌డ్డారు.
అయితే మరో స్వ‌ర్గీయ ఎన్టీఆర్ ప‌క్క అంశా తో తాత‌య్య‌ను ఎంత‌గానో ప్రేమించే మ‌న‌వ‌డు జూనియర్ ఎన్టీఆర్ వేడుక‌కు ఎందుకు రాలేదా? అని బాధ‌ప‌డ్డ‌వాళ్లు లేక‌పోలేదు. రాజ‌కీయ ఉద్దేశాల‌తోనే జూనియ‌ర్‌ను దూరం పెట్టార‌ని కొంద‌రంటే, కొంద‌రు కావాల‌నే ఆల‌స్యంగా పిలిచార‌ని కామెంట్స్ చేశారు. అయితే వార్త‌ల‌కు ఎన్టీఆర్ శత జయంతి వేడుకలను ప‌ర్య‌వేక్షిస్తున్న టి.డి.జనార్ధన్ స‌మాధానం చెప్పారు. ‘‘ఎన్టీఆర్ శత జయంతి వేడుకలకు ఆహ్వానం ఇవ్వాల‌ని ప్ర‌య‌త్నించాం. ఆయ‌నేమో వారం త‌ర్వాత అపాయింట్మెంట్ ఇచ్చారు. స‌రేన‌ని వెళ్లి క‌లిసి విష‌యం చెప్పాం. అప్పుడాయ‌న ముందుగానే త‌న‌కు ప్రోగ్రామ్ ఫిక్స్ అయ్యింద‌ని అన్నారు. 22 ఫ్యామిలీల‌తో క‌లిసి ట్రిప్‌కు వెళుతున్నాం. ముందుగానే అనుకున్నామ‌న్నారు. దానికి మేం బాబు పుట్టిన‌రోజు మళ్లీ వ‌స్తుంటాయి. కానీ శత జయంతి అనేది ఒక‌సారి మాత్ర‌మే వ‌స్తుందని కూడా అన్నాం. కానీ ఆయ‌న‌కు షెడ్యూల్ కుద‌ర‌లేదేమో. మేం చెప్పాల్సింది చెప్పాం. ఆయ‌న నిర్ణ‌యం ఆయ‌న తీసుకున్నారు’’ అన్నారు.
ఇదే సందర్బంలో కళ్యాణ్ రామ్ రాకపోవటంపై కూడా జనార్ధన్ స్పందిస్తూ ఎన్టీఆర్‌తో క‌లిసి ఆయ‌న కూడా ట్రిప్‌కు వెళ్లిన‌ట్లే ఉన్నార‌ని అన్నారు. ఇప్పటికే ఈ ఘటనతో నందమూరి అభిమానులు రెండు గ్రూపులుగా మారిపోయాయి. బాలకృష్ణ అభిమానులు ఎన్టీఆర్‌ను టార్గెట్ చేస్తూ సోషల్ మీడియాలో ఓ రేంజ్‌లో కామెంట్స్ చేశారు కూడా. అదే సందర్భంలో వాళ్లు రామ్ చరణ్‌కు తమ మద్దతుని తెలియజేశారు.
