బంపరాఫర్ కొట్టేసిన కియారా
భ‌ర‌త్ అనే నేను సినిమాతో టాలీవుడ్ కు ప‌రిచ‌యమైన కియారా అద్వానీ ప్ర‌స్తుతం గ్లోబ‌ల్ స్టార్ రామ్ చ‌ర‌ణ్ స‌ర‌స‌న గేమ్ ఛేంజ‌ర్ అనే సినిమాలో న‌టిస్తున్న విష‌యం తెలిసిందే. అయితే ఇప్పుడు కియారా కు ఓ బంపరాఫర్ ద‌క్కిన‌ట్లు తెలుస్తోంది. ర‌ణ‌వీర్ సింగ్ హీరోగా తెర‌కెక్క‌నున్న డాన్3 సినిమాలో కియారా హీరోయిన్ గా ఎంపికైన‌ట్లు తెలుస్తోంది.
డాన్ సినిమాతో ఇప్ప‌టికే షారుఖ్ త‌న‌దైన ముద్ర వేసుకున్నాడు. ఇప్పుడు ఆ ఫ్రాంచైజీలో ర‌ణ‌వీర్ సింగ్ మూవీ చేయ‌బోతున్నాడు. ఫ‌ర్హాన్ అక్త‌ర్ ద‌ర్శ‌క‌త్వం వ‌హిస్తున్న డాన్ 3 సినిమాలో ర‌ణ‌వీర్ సింగ్ కు జోడీగా కియారా అద్వానీ ఎంపికైన‌ట్లు అఫీషియ‌ల్ గా అనౌన్స్మెంట్ వ‌చ్చింది. శంక‌ర్ ఎహ‌సాన్ లాయ్ సంగీతం అందిస్తున్న ఈ సినిమా ఎన్నో అంచ‌నాల మధ్య తెర‌కెక్కుతుంది.
ప్ర‌స్తుతం ప్రీ ప్రొడ‌క్ష‌న్ వ‌ర్క్స్ జ‌రుపుకుంటున్న డాన్3 సినిమాను వ‌చ్చే ఏడాది ప్రేక్ష‌కుల ముందుకు తీసుకురావాల‌ని మేక‌ర్స్ ప్లాన్ చేస్తున్నారు. గ‌తంలో ఈ ఫ్రాంచైజ్ లో వ‌చ్చిన సినిమాకు ఏ మాత్రం తీసిపోకుండా డాన్3ను తెర‌కెక్కించ‌నున్న‌ట్లు మేక‌ర్స్ న‌మ్మ‌కంగా చెప్తున్నారు. ఇలాంటి సినిమాలో కియారా ఛాన్స్ కొట్టేసిందంటే అమ్మ‌డుకి బంపరాఫర్ ద‌క్కింద‌నే చెప్పాలి.
