ఇంట్రెస్టింగ్ లైన‌ప్‌తో దూసుకెళ్తున్న కార్తీ

సూర్య త‌మ్ముడిగా ఇండ‌స్ట్రీలోకి అడుగుపెట్టిన‌ప్ప‌టికీ త‌న‌కంటూ స్పెష‌ల్ ఇమేజ్ ను సొంతం చేసుకున్నాడు త‌మిళ హీరో కార్తీ. ప్ర‌స్తుతం న‌లన్ కుమార‌స్వామి ద‌ర్శ‌క‌త్వంలో వా వాతియారే అనే సినిమాను చేస్తున్నాడు కార్తీ. ఈ సినిమాలో ఉప్పెన భామ కృతి శెట్టి హీరోయిన్ గా న‌టిస్తుంది. సంతోష్ నారాయ‌ణ‌న్ సంగీతం అందిస్తున్న ఈ సినిమాపై భారీ అంచ‌నాలున్నాయి.

అంచ‌నాల‌కు ఏ మాత్రం త‌గ్గ‌కుండా ఉండేలా వా వాతియారే ను తెర‌కెక్కిస్తున్నాడు డైరెక్ట‌ర్ న‌ల‌న్ కుమారస్వామి. ఈ సినిమా రిలీజ్ కు ముందే కార్తీ త‌న 30వ సినిమాకు సంబంధించిన డిస్క‌ష‌న్స్ చేస్తున్న‌ట్లు తెలుస్తోంది. అంత‌ర్గ‌త స‌మాచారం ప్ర‌కారం కార్తీ త‌న 30వ సినిమాను ప్ర‌ముఖ డైరెక్ట‌ర్ త‌మీజ్ ద‌ర్శ‌క‌త్వంలో చేయ‌నున్నాడ‌ని టాక్.

ఈ విష‌యమై కోలీవుడ్ మీడియాలో ఇప్ప‌టికే వార్తలొస్తున్నాయి. 1960 నాటి ప‌రిస్థితుల్లో రానున్న ఈ పీరియాడిక్ డ్రామా గ్యాంగ్ స్ట‌ర్ నేప‌థ్యంలో తెర‌కెక్క‌నుంద‌ని, ఓ ప్ర‌ముఖ నిర్మాణ సంస్థ భారీ బ‌డ్జెట్ తో ఈ సినిమాను నిర్మించ‌నుంద‌ని తెలుస్తోంది. ఈ రెండు సినిమాలతో పాటూ స‌ర్దార్2 కు కూడా కార్తీ గ్రీన్ సిగ్న‌ల్ ఇచ్చాడు. త్వ‌ర‌లోనే ఆ సినిమా మొద‌లు కానుంది. మ‌రోవైపు ఖైదీ2 కు కూడా లోకేష్ రంగం సిద్ధం చేస్తున్నాడు. మొత్తానికి కార్తీ లైన‌ప్ చూస్తుంటే చాలా ఇంట్రెస్టింగ్ గా ఉంది.