పురాణాల ప్రకారం లక్ష్మీదేవి సంధ్యా సమయంలో భూలోక సంచారం చేస్తుందని, ఆ సమయంలో ఇల్లు ఎలా ఉంటే ఆమె అలా అనుగ్రహిస్తుందని పురాణాలు చెబుతున్నాయి
సాయంత్రం వేళ ఇంటి గడపను శుభ్రం చేసి, పసుపు కుంకుమలు పెట్టాలి. లక్ష్మీదేవి గడప ద్వారానే ఇంట్లోకి ప్రవేశిస్తుంది.
సూర్యాస్తమయం సమయంలో ఆవు నెయ్యితో దీపం వెలిగించాలి. ఇది ఇంట్లోని ప్రతికూల శక్తిని (అలక్ష్మిని) బయటకు పంపుతుంది.
ఇంట్లో సాంబ్రాణి ధూపం వేయండి. సుగంధ పరిమళాలు ఉన్న చోట మహాలక్ష్మి స్థిర నివాసం ఉంటుందని పురాణాల ఉవాచ.
సాయంత్రం 'శ్రీ సూక్తం' లేదా 'కనకధారా స్తోత్రం' పఠించాలి. ఏదీ వీలుకాకపోతే "ఓం శ్రీం మహాలక్ష్మ్యై నమః" అని 108 సార్లు జపించండి.
ఈ శుక్రవారం చంద్రోదయం తర్వాత వినాయకుడికి గరికతో పూజ చేయండి. విఘ్నాలు తొలగి ఐశ్వర్యం సిద్ధిస్తుంది.
సంధ్యా సమయంలో నిద్రపోవడం, ఇల్లు ఊడవడం, అప్పు ఇవ్వడం వంటి పనులు చేయకూడదు. ఇవి లక్ష్మీ కటాక్షాన్ని తగ్గిస్తాయి.
వీలైతే సాయంత్రం ముత్తైదువులకు తాంబూలం ఇవ్వడం వల్ల 'సౌభాగ్య సిద్ధి' కలుగుతుంది.