కట్ చేసిన టమాటా ముక్కలను చింతపండు, పసుపు వేసి ఉడికించాలి. మూత తీసి ఉడికిస్తే ఆవిరి నీళ్లు పడకుండా ఉండి, పచ్చడి ఎక్కువ కాలం నిల్వ ఉంటుంది.

దోరగా వేయించిన ఆవాలు, మెంతులను చల్లార్చి మెత్తగా పొడి చేసుకోవాలి. ఈ ఆవ-మెంతుల పొడే టమాటా పచ్చడికి అసలైన సాంప్రదాయ సువాసన ఇస్తుంది.

కేజీ టమాటాలకు 100గ్రా చింతపండు, అర కప్పు ఉప్పు, ఒక కప్పు కారం కచ్చితంగా వేయాలి. ఉప్పు, పులుపు తగ్గితే పచ్చడి త్వరగా బూజు పడుతుంది.

ఉడికించిన టమాటా మిశ్రమం పూర్తిగా చల్లారాకే కారం, ఉప్పు, మసాలా పొడి, వెల్లుల్లి వేసి గ్రైండ్ చేయాలి. వేడిగా ఉన్నప్పుడు అస్సలు చేయొద్దు.

పచ్చడికి నువ్వుల నూనె లేదా వేరుశనగ నూనె వాడితే రుచి అద్భుతంగా ఉంటుంది. ఆవాలు, ఎండుమిర్చి, కరివేపాకు, ఎక్కువ వెల్లుల్లితో పోపు పెట్టాలి.

తాలింపు చివర్లో కొద్దిగా ఇంగువ చేరిస్తే పచ్చడికి మంచి సువాసన రావడమే కాకుండా, అది సహజ ప్రిజర్వేటివ్‌గా పనిచేసి బూజు పట్టకుండా చూస్తుంది.

తాలింపు పూర్తిగా చల్లారిన తర్వాతే పచ్చడిలో కలపాలి. దీన్ని పొడిగా ఉన్న గాజు సీసా లేదా జాడీలో భద్రపరిస్తే ఏడాది పాటు ఫ్రెష్‌గా ఉంటుంది.