మొక్కలను మరీ దగ్గరదగ్గరగా ఉంచకండి. మొక్కల మధ్య తగినంత గ్యాప్ ఉంటే గాలి బాగా ఆడి, ఆకులపై తేమ చేరకుండా బూజును అడ్డుకుంటుంది.

చిగుర్ల పైన నేరుగా నీటిని స్ప్రే చేయవద్దు. కుండీలోని మట్టికి మాత్రమే నీరు పెట్టడం వల్ల ఆకులు పొడిగా ఉండి బూజు చేరదు.

మొక్కలకు ఎల్లప్పుడూ ఉదయం పూట మాత్రమే నీరు పోయాలి. దీనివల్ల రోజంతా ఎండకు మట్టిలోని అదనపు తేమ ఆవిరై బూజు రాకుండా ఉంటుంది.

లీటరు నీటిలో అర టీస్పూన్ బేకింగ్ సోడా, కొద్దిగా లిక్విడ్ సోప్ కలిపి చిగుర్లపై లైట్‌గా స్ప్రే చేస్తే బూజు పట్టకుండా ఉంటుంది.

దాల్చినచెక్క పొడి మంచి యాంటీఫంగల్‌గా పనిచేస్తుంది. కుండీ మట్టిపై కొద్దిగా దాల్చినచెక్క పొడి చల్లితే బూజు చిగుర్లకు పాకదు.

మొక్కకు ఎక్కడైనా పాత ఆకులపై బూజు కనిపిస్తే వెంటనే వాటిని కత్తిరించి దూరంగా పారేయండి. లేదంటే అది కొత్త చిగుర్లకు పాకుతుంది.