నిమ్మకాయ ఆరోగ్యానికి ఎంతో మేలు చేసే సహజ పదార్థం. ఇందులో విటమిన్ సి, యాంటీఆక్సిడెంట్లు ఎక్కువగా ఉంటాయి.
చర్మం ఆరోగ్యంగా ఉండటానికి విటమిన్ సి బెస్ట్. అయితే జుట్టుపై నిమ్మరసం వాడకంపై చాలా అపోహలు ఉన్నాయి.
నిపుణుల ప్రకారం నిమ్మరసం జుట్టును తెల్లగా చేస్తుందనే భావన సరైనది కాదు. ఇది శాస్త్రీయంగా నిరూపించబడలేదు.
నిమ్మరసం తల చర్మంలో ఉన్న చుండ్రు, ఇన్ఫెక్షన్లను తగ్గించి స్కాల్ప్ను శుభ్రంగా ఉంచుతుంది.
అయితే నిమ్మరసాన్ని నేరుగా జుట్టుకు రాయకూడదు. దాన్ని నూనె లేదా ఇతర సహజ పదార్థాలతో కలిపి ఉపయోగించడం మంచిది.
కొబ్బరి నూనెతో నిమ్మరసం కలిపి వాడితే జుట్టుకు పోషణ అందుతుంది. ఇది పొడిబారడాన్ని తగ్గిస్తుంది.
ఆముదం నూనెలో కొద్దిగా నిమ్మరసం కలిపి వాడటం వల్ల చుండ్రు సమస్య తగ్గే అవకాశం ఉంటుంది. తల చర్మం ఆరోగ్యంగా ఉంటుంది.
అలాగే మెంతుల పేస్ట్తో నిమ్మరసం కలిపి ఉపయోగిస్తే చుండ్రు తగ్గడంలో మరింత సహాయపడుతుంది. తల చర్మం శుభ్రంగా మారుతుంది.
నిమ్మరసం వాడేటప్పుడు జాగ్రత్తలు అవసరం. అధికంగా లేదా తరచుగా వాడితే స్కాల్ప్ పొడిబారే అవకాశం ఉంటుంది. కాబట్టి సరైన విధంగా మాత్రమే ఉపయోగించాలి.