క్యారెట్, బఠానీ, క్యాప్సికం, ఉల్లిపాయతో చేసిన బ్రెడ్ ఉప్మా రుచిగా ఉండటమే కాదు, పిల్లలకు అవసరమైన విటమిన్లు, ఫైబర్‌ను కూడా అందిస్తుంది.

ఉడికించిన మొక్కజొన్నలో వెన్న, పెరుగు, నిమ్మరసం, కొత్తిమీర కలిపి తయారు చేసే ఈ చాట్ పిల్లలకు శక్తినిచ్చే హెల్తీ స్నాక్.

రాగి దోశ లేదా చిన్న పాన్‌కేక్‌లు ఎముకల బలానికి మేలు చేస్తాయి. టమాటా చట్నీ లేదా పెరుగుతో మరింత రుచిగా ఉంటాయి.

పెసరపప్పుతో చేసిన అట్టు లేదా చిన్న పునుగులు పిల్లలకు ప్రోటీన్, ఫైబర్ అందించి ఎక్కువసేపు కడుపు నిండిన భావన కలిగిస్తాయి.

అరటిపండు, పాలు, నట్స్‌తో చేసిన స్మూతీ పిల్లలకు తక్షణ శక్తిని అందిస్తుంది. బయట దొరికే చక్కెర పానీయాల కంటే ఇది ఉత్తమ ఎంపిక.

క్యారెట్, టమాటా, ఉల్లిపాయతో చేసిన చిన్న ఉత్తప్పాలు చూడటానికి ఆకర్షణీయంగా ఉండటంతో పిల్లలు ఇష్టంగా తింటారు.

ఉడికించిన శనగలు లేదా మొలకెత్తిన పెసరలో నిమ్మరసం, దోసకాయ, టమాటా కలిపితే ప్రోటీన్, ఫైబర్ పుష్కలంగా లభిస్తాయి.

జంక్ ఫుడ్, అధిక నూనె, చక్కెర ఉన్న స్నాక్స్ తగ్గించండి. సీజనల్ పండ్లు, కూరగాయలు, పప్పుధాన్యాలతో చేసిన స్నాక్స్‌ను ప్రాధాన్యంగా ఇవ్వండి.