నామినేషన్ కు తరలిన జనసేనాని..

జనసేన అధిపతి పవన్ కళ్యాణ్.. మరి కాసేపట్లో పిఠాపురం నియోజకవర్గం నుంచి ఎమ్మెల్యే అభ్యర్థిగా తన నామినేషన్‌ను ఎన్నికల రిటర్నింగ్ అధికారికి సమర్పించబోతున్నారు. హనుమాన్ జయంతి సందర్భంగా పవన్ తన నామినేషన్‌ని ఈ రోజే ఇవ్వడానికి నిర్ణయించుకున్నారు. ఈ నేపథ్యంలో చేబ్రోలు లోని పవన్ నివాసం నుంచి బయలుదేరిన ర్యాలీ..పిఠాపురంలోని పాదగయ క్షేత్రం వరకు సాగుతుంది. అక్కడ నుంచి ప్రత్యేకంగా ఏర్పాటు చేసిన కాన్వాయ్ లో మండల పరిషత్ కార్యాలయానికి చేరుకొని పవన్ తన నామినేషన్ను సమర్పిస్తారు. ఈ ర్యాలీలో పాల్గొనడం కోసం భారీ సంఖ్యలో జనసేన, టీడీపీ, బీజేపీకి చెందిన నేతలు, కార్యకర్తలు తరలివచ్చారు. పవన్ కళ్యాణ్ ఈసాలి పిఠాపురం నుంచి గెలవాలి అని ఆకాంక్షిస్తూ ఎందరో అభిమానులు సోషల్ మీడియా వేదికగా ఈరోజు ఆయనకి శుభాకాంక్షలు కూడా తెలియజేశారు.