గేమ్ ఛేంజర్ గురించి నవీన్ చంద్ర లీకులు
స్టార్ డైరెక్టర్ శంకర్ దర్శకత్వంలో గ్లోబల్ స్టార్ రామ్ చరణ్ నటిస్తున్న సినిమా గేమ్ ఛేంజర్. కియారా అద్వానీ హీరోయిన్ గా నటిస్తున్న ఈ సినిమాను దిల్ రాజు భారీ బడ్జెట్ తో నిర్మిస్తున్నాడు. ఈ సినిమాలో అంజలి కీలక పాత్రలో నటిస్తుండగా, ఎస్.జె సూర్య విలన్ గా కనిపించబోతున్నాడు. పొలిటికల్ థ్రిల్లర్ గా తెరకెక్కుతున్న ఈ సినిమాకు కార్తిక్ సుబ్బారుజు కథ అందించడం విశేషం.
రామ్ చరణ్ కెరీర్లోనే గేమ్ ఛేంజర్ బెస్ట్ సినిమా అవుతుందని అందరూ భావిస్తున్నారు. ఇదిలా ఉంటే ఈ సినిమాలో యంగ్ హీరో నవీన్ చంద్ర నటిస్తున్నట్లు చెప్పాడు. అంతేకాదు నవీన్ చంద్ర గేమ్ ఛేంజర్ గురించి ఇంట్రెస్టింగ్ అప్డేట్ ఇచ్చాడు. ఈ సినిమాలో తన పాత్ర చాలా కీలకమని, సినిమా ఆరంభంలో చాలా పాజిటివ్ గా ఉండే పాత్ర ఆ తర్వాత వైల్డ్ విలన్ గా రివీల్ అవుతుందని తెలిపాడు.
ఆ సీక్వెన్స్ లో వచ్చే ట్విస్ట్ మొత్తం సినిమాకే హైలైట్ కానుందని నవీన్ చెప్పాడు. దీంతో ఇప్పుడు గేమ్ ఛేంజర్ లో నవీన్ కూడా ఒక విలన్ గా నటిస్తున్నాడని ఫిక్స్ అయిపోయింది. నవీన్ తో పాటూ ఈ సినిమాలో శ్రీకాంత్ కూడా ఓ కీలక పాత్రలో కనిపించబోతున్నాడు. గేమ్ ఛేంజర్ లో నవీన్ నటిస్తున్నాడనే వార్త ఇప్పుడు నెట్టింట హాట్ టాపిక్ గా మారింది.