‘ఆయ్’ నుంచి హరి పాత్రలో అంకిత్ కొయ్య ఫన్నీ వీడియో
ఎన్నో సక్సెస్‌ఫుల్ చిత్రాలను అందించిన ప్రతిష్టాత్మక సంస్థ GA2 పిక్చర్స్ బ్యానర్‌పై రూపొందుతోన్న చిత్రం ‘ఆయ్’. ఎనర్జిటిక్ హీరో నార్నే నితిన్, నయన్ సారిక జంటగా నటిస్తున్నారు. అంజి కంచిపల్లి ఈ చిత్రంతో దర్శకుడిగా పరిచయం అవుతున్నారు. టాలెంటెడ్ యంగ్ ప్రొడ్యూసర్స్ బన్నీ, విద్యా కొప్పినీడి ఈ ఫన్ ఎంటర్‌టైనర్‌ను నిర్మిస్తున్నారు.
సినిమా ప్రమోషన్స్‌ను సరికొత్త పంథాలో చేస్తూ చిత్ర యూనిట్ అందరి దృష్టిని ఆకర్షిస్తోంది. ఇటీవల టైటిల్ రివీల్‌కు సంబంధించిన కాన్సెప్ట్ వీడియో సోషల్ మీడియాలో తెగ వైరల్ అవటమే కాకుండా ప్రేక్షకుల నుంచి మంచి రెస్పాన్స్‌ను రాబట్టుకుంది.. అలాగే ఫస్ట్ లుక్‌కి కూడా మంచి స్పందన వచ్చింది. అలాగే అందరినీ ఆక‌ట్టుకునేలా మెలోడి ఆఫ్ ది సీజ‌న్ అనిపించేలా విడుదల చేసిన సూఫియానా పాటకు మంచి స్పందన వచ్చింది. అదే క్రమంలో తాజాగా సినిమా నుంచి ఓ ఫన్నీ వీడియోను మేకర్స్ విడుదల చేశారు.
సినిమాలో హీరో ఫ్రెండ్‌గా నటించిన అంకిత్ కొయ్య పాత్రకు సంబంధించిన వీడియోను విడుదల చేశారు. ఇందులో అంకిత్ హరి అనే పాత్రలో నటించారు. ఊర్లోకి డాన్స్ చేయటానికి చాందిన అనే అమ్మాయి వస్తుందని పోలీస్ స్టేషన్ లో ఉన్న హరికి తెలుస్తుంది. అదే సమయంలో పోలీసుల పర్మిషన్ ఉంటేనే ఆమె డాన్స్ చేస్తుందనే విషయం తెలియగానే ఫ్రస్టేషన్ తో తన మనసులో బాధనంతా వెల్లగక్కుతాడు. కోళ్ల పందెలకు, స్టేజ్ డాన్సులకు పోలీసుల పర్మిషన్ ఎందుకు తీసుకోవాలంటూ నానా హంగామా చేస్తాడు. ఎవరైతే ఎలాంటి అంక్షలు లేకుండా కోళ్ల పెందెల, స్టేజ్ డాన్సులకు పర్మిషన్ ఇస్తారో వాళ్లకే ఈసారి ఓటేస్తామంటూ అక్కడున్న వారిని రెచ్చగొడతాడు హరి. వీడియో చాలా ఫన్నీగా ఉంది. హరి పాత్రలో అంకిత్ కొయ్య నటన సింప్లీ సూపర్బ్. నటుడిగా అంకిత్‌ను ‘ఆయ్’ సినిమా కొత్త కోణంలో ఆవిష్కరించనుందనటంలో సందేహం లేదని వీడియో చూస్తుంటే అర్థమవుతుంది.
‘ఆయ్’ సినిమాను ప్రారంభం నుంచి సరికొత్తగా ప్రమోట్ చేస్తున్నారు. ఇది సోషల్ మీడియాలో తెగ వైరల్ అవుతూ అందరినీ ఆకట్టుకుంటోంది. ఇది టీమ్‌లో మరింత కాన్ఫిడెన్స్‌ను నింపుతోంది. ఈ డిఫరెంట్ ప్రమోషనల్ యాక్టివిటీస్ సినిమాపై అంచనాలను పెంచుతున్నాయి. ఏస్ ప్రొడ్యూసర్ అల్లు అరవింద్ సమర్పణలో రూపొందుతోన్న ఈ సినిమాకు కిరణ్ కుమార్ మన్నె ఆర్ట్ డైరెక్టర్‌గా, సమీర్ కళ్యాణి సినిమాటోగ్రాఫర్‌గా, రామ్ మిర్యాల సంగీత దర్శకుడిగా వర్క్ చేశారు.
