ఈ మొక్కలు పెద్దగా పెరగవు. కాబట్టి మీ ఇంటి టెర్రస్ పైన లేదా బాల్కనీలో చిన్న కుండీలలో కూడా వీటిని సులభంగా పెంచవచ్చు.

ఇసుక కలిసిన గుల్లమట్టి ఈ మొక్కకు బెస్ట్. కుండీలో నాటేటప్పుడు మట్టితో పాటు సమానంగా పశువుల ఎరువు లేదా వర్మీకంపోస్ట్ కలపాలి.

నిమ్మ మొక్కలు వేడిని ఇష్టపడతాయి. రోజుకు కనీసం 6 నుండి 8 గంటల పాటు నేరుగా సూర్యకాంతి తగిలే ప్రదేశంలోనే వీటిని ఉంచాలి.

మొక్క మొదట్లో నీరు నిల్వ ఉండకూడదు. పైన ఉన్న మట్టి పొడిబారినప్పుడు మాత్రమే తగినంత నీరు పోయాలి, ఎక్కువైతే వేర్లు కుళ్ళిపోతాయి.

మొక్కకు పూత వచ్చినప్పుడు నీటి శాతాన్ని కొద్దిగా తగ్గించాలి. మూడు రోజులకు ఒకసారి పలచని మజ్జిగను పోస్తే పూత రాలకుండా ఉంటుంది.

ప్రతి మూడు నెలలకోసారి గుప్పెడు సేంద్రియ ఎరువు వేయాలి. పొటాషియం, నైట్రోజన్ ఎక్కువగా ఉండే ఎరువులు ఇస్తే కాయలు బాగా కాస్తాయి.

ఆకుతొలుచు పురుగు, తెగుళ్లు రాకుండా ఉండటానికి పదిహేను రోజులకొకసారి వేపనూనె (Neem Oil) ను నీటిలో కలిపి మొక్కపై స్ప్రే చేయాలి.