ముందుగా బాస్మతీ బియ్యాన్ని బాగా కడిగి, కనీసం ఇరవై నిమిషాల పాటు నానబెట్టండి. దీనివల్ల అన్నం పొడిపొడిగా వస్తుంది.

కుక్కర్‌లో నెయ్యి లేదా నూనె వేసి వేడయ్యాక.. బిర్యానీ ఆకు, లవంగాలు, చెక్క, షాజీరా వేసి దోరగా వేయించుకోండి.

అందులోనే ఉల్లిపాయ ముక్కలు, పచ్చిమిర్చి, అల్లం వెల్లుల్లి పేస్ట్ వేసి పచ్చివాసన పోయే వరకు చక్కగా మగ్గనివ్వండి.

ఇప్పుడు కట్ చేసిన టొమాటోలు, కొద్దిగా ఉప్పు, పసుపు, కారం, గరం మసాలా వేసి టొమాటో ముక్కలు మెత్తబడే వరకు ఉడికించాలి.

మగ్గిన మిశ్రమంలో నానబెట్టిన బియ్యం వేసి కలపండి. ఒక కప్పు బియ్యానికి ఒకటిన్నర కప్పుల నీరు పోసి మరిగించండి.

వేడివేడి టొమాటో పులావ్‌ను చల్లని పెరుగు రైతాతో కలిపి తింటే ఆ రుచే వేరు. లంచ్ బాక్స్‌కు ఇది ది బెస్ట్ ఆప్షన్!