మార్కెట్ నుండి తెచ్చిన దొండకాయలు రెండ్రోజులకే పండిపోతున్నాయా? దొండకాయలు త్వరగా పండిపోవడం అందరి ఇళ్లలో ఉండే సమస్యే. కానీ కొన్ని చిట్కాలతో వీటిని వారంపైగా తాజాగా ఉంచవచ్చు!
దొండకాయలను నిల్వ చేసే ముందు అస్సలు కడగకూడదు. తేమ ఉంటే ఇవి త్వరగా కుళ్ళిపోతాయి. వండే ముందే కడుక్కోవడం చాలా మంచి పద్ధతి.
ఒకవేళ దొండకాయలు తడిగా ఉంటే, వాటిని కాసేపు కాటన్ బట్టపై వేసి పూర్తిగా ఆరనివ్వాలి. తడి ఆరిపోయాకే నిల్వ చేయాలి.
దోరగా లేదా పండిన దొండకాయలను ముందే వేరు చేయండి. అవి మిగతా వాటితో కలిసుంటే, మిగిలిన పచ్చని కాయలు కూడా త్వరగా పండిపోతాయి.
ఒక జిప్లాక్ బ్యాగ్ లేదా కంటైనర్లో అడుగున పేపర్ టవల్ (టిష్యూ) పరవాలి. ఇది కూరగాయల్లోని అదనపు తేమను పీల్చేసి నిగారింపునిస్తుంది.
ఆరిన దొండకాయలను పేపర్ టవల్తో కలిపి జిప్లాక్ కవర్లో పెట్టి, లోపల గాలి లేకుండా గట్టిగా మూసి ఫ్రిజ్లో ఉంచాలి.
ప్లాస్టిక్ కవర్ల కంటే కాటన్ లేదా నెట్ బ్యాగులు దొండకాయలకు ఉత్తమం. ఇవి కాయలకు గాలి తగిలేలా చేసి ఎక్కువ రోజులు ఫ్రెష్గా ఉంచుతాయి.
అరటిపండ్లు, ఆపిల్స్ విడుదల చేసే ఇథిలిన్ గ్యాస్ వల్ల దొండకాయలు త్వరగా పండుతాయి. కాబట్టి వీటిని వేరువేరుగా నిల్వ చేయండి.
ప్యాక్ చేసిన దొండకాయల సంచులను ఫ్రిజ్లోని వెజిటబుల్ క్రిస్పర్ డ్రాయర్లో పెట్టాలి. అక్కడ తేమ శాతం సరిగ్గా సరిపోతుంది.
ఈ సింపుల్ టిప్స్ పాటిస్తే మీ ఇంట్లో దొండకాయలు వారం రోజులైనా కుళ్ళిపోకుండా, పచ్చగా క్రంచీగా ఉంటాయి. ఇప్పుడే ట్రై చేయండి!