‘మల్లీశ్వరి’లో తన పాత్ర చేయడం మొదటి నుంచీ ఇష్టం లేదని స్మిత వెల్లడించింది. నటనపై పెద్దగా ఆసక్తి లేకపోయినా, కుటుంబ సభ్యులు, చుట్టుపక్కల వారి ఒత్తిడితో ఆ సినిమాలో నటించాల్సి వచ్చిందని తెలిపింది.
మల్లీశ్వరిలో నటించిన ఈ సింగర్ గుర్తుందా?
ఆ పాత్రను అంగీకరించడం తన కెరీర్‌లో తీసుకున్న తప్పుడు నిర్ణయమని స్మిత అభిప్రాయపడింది. అయితే సినిమాలో తనతో పనిచేసిన నటీనటులు, సాంకేతిక నిపుణులపై తనకు ఎలాంటి అసంతృప్తి లేదని స్పష్టం చేసింది.
కెరీర్‌లోనే చెత్త నిర్ణయమని బాధ!
‘మల్లీశ్వరి’ అనుభవం తర్వాత సినిమాల్లో నటించడం కొనసాగించలేదు. సిద్ధార్థ్ నటించిన ‘ఆట’ సినిమాలో మాత్రం స్పెషల్ సాంగ్ లో కనిపించింది. ఆ తర్వాత గాయనిగా తన ప్రయాణంపైనే ఎక్కువ దృష్టి పెట్టింది.
సినిమాలకు ఎందుకు దూరమైంది?
కొంతకాలం కొత్త పాటలకు దూరంగా ఉన్న స్మిత.. 2025 డిసెంబరులో ‘మసక మసక’ పేరుతో కొత్త మ్యూజిక్ ప్రాజెక్ట్‌ను తీసుకొచ్చింది. పాత పాటకు కొత్త తరహా సంగీతాన్ని జోడిస్తూ మరోసారి ప్రేక్షకుల ముందుకు వచ్చింది.
మళ్లీ మ్యూజిక్‌లోకి రీఎంట్రీ!
2026లో తన జీవితంలో సంగీతానికే ప్రాధాన్యం ఇవ్వనున్నట్లు స్మిత ప్రకటించింది. వరుసగా పాటలు విడుదల చేయడంతో పాటు లైవ్ షోలు నిర్వహించాలనే ప్రణాళికను కూడా వెల్లడించింది.
2026లో ఫుల్ ఫోకస్ మ్యూజిక్‌పైనే!
‘మసక మసక’తో మొదలైన ఈ కొత్త ప్రయాణం స్మితకు మరోసారి పాప్ మ్యూజిక్‌లో గుర్తింపు తెచ్చిపెడుతుందా? ఆమె తదుపరి పాటలు, సంగీత ప్రాజెక్టులపై అభిమానుల్లో ఆసక్తి నెలకొంది.
పాప్ సింగర్‌గా మళ్లీ పాత క్రేజ్ వస్తుందా?
‘మల్లీశ్వరి’లోని పాత్రను తన కెరీర్‌లో తప్పిదంగా భావించిన స్మిత.. ఇప్పుడు సంగీతంతో కొత్త ప్రయాణాన్ని కొనసాగిస్తోంది. నటిగా కాకుండా పాప్ సింగర్‌గా మరోసారి తనదైన ముద్ర వేయడమే ఆమె ముందున్న లక్ష్యం.
ఒకప్పుడు సినిమాల్లో.. ఇప్పుడు మ్యూజిక్‌లో!