ఈ రోజుల్లో గుండె జబ్బులు పెద్దవారికే కాదు, యువతను కూడా వేగంగా ప్రభావితం చేస్తున్నాయి. జీవనశైలి మార్పులు, ఒత్తిడి, చెడు ఆహారపు అలవాట్లు గుండె ఆరోగ్యంపై తీవ్ర ప్రభావం చూపుతున్నాయి.
గుండె బలహీనపడినప్పుడు శరీరం ముందుగానే కొన్ని హెచ్చరికలు ఇస్తుంది. ఛాతీలో బిగుతు, ఒత్తిడి లేదా మంటలా అనిపించడం సాధారణ లక్షణాల్లో ఒకటి.
మెట్లు ఎక్కినా త్వరగా ఆయాసం రావడం కూడా గుండె సమస్యకు సంకేతం కావచ్చు. శరీరానికి సరైన రక్త ప్రసరణ జరగకపోతే అలసట ఎక్కువగా కనిపిస్తుంది.
రాత్రి పడుకునే ముందు పాదాలు లేదా చీలమండలు వాపు రావడం నిర్లక్ష్యం చేయకూడదు. ఇవి గుండె పనితీరు మందగిస్తున్నట్లు సూచించే లక్షణాలు కావచ్చు.
రాత్రిళ్లు ఊపిరి ఆడక మెలకువ రావడం కూడా ప్రమాద సంకేతమే. గుండె సరిగా పనిచేయకపోతే నిద్ర నాణ్యతపై కూడా ప్రభావం పడుతుంది.
అధిక కొలెస్ట్రాల్, ట్రైగ్లిజరైడ్స్ ధమనుల్లో కొవ్వు పేరుకుపోయేలా చేస్తాయి. దీంతో గుండెపోటు, స్ట్రోక్ ప్రమాదం మరింత పెరుగుతుంది.
రోజూ కనీసం అరగంట నడక అలవాటు చేసుకుంటే గుండె ఆరోగ్యం మెరుగుపడుతుంది. యోగా, ధ్యానం వంటి అలవాట్లు ఒత్తిడిని తగ్గించడంలో సహాయపడతాయి.
పండ్లు, కూరగాయలు, పీచు పదార్థాలు ఎక్కువగా తీసుకోవడం మంచిది. జంక్ ఫుడ్, అధిక ఉప్పు, చక్కెర పదార్థాలను తగ్గించడం గుండెకు మేలు చేస్తుంది.
ఆరోగ్యంగా ఉన్నామనిపించినా ఏడాదికి ఒకసారి పరీక్షలు చేయించుకోవాలి. చిన్న చిన్న జాగ్రత్తలు పాటిస్తే మీ గుండె ఆరోగ్యాన్ని పదిలంగా కాపాడుకోవచ్చు.