ముఖ్యమంత్రి జగన్‌ను కలిసిన నాటా బృందం
ఆంధ్రప్రదేశ్‌లో నాటా సేవాడేస్‌ కార్యక్రమాల్లో భాగంగా పర్యటిస్తున్న నాటా నాయకులు ఆంధ్రప్రదేశ్‌ ముఖ్యమంత్రి వై.ఎస్‌. జగన్మోహన్‌ రెడ్డిని గురువారంనాడు తాడేపల్లిలోని క్యాంప్‌ కార్యాలయంలో కలిశారు. ఈ సందర్భంగా వచ్చే సంవత్సరం న్యూజెర్సిలోని అట్లాంటిక్‌ కన్వెన్షన్‌ సెంటర్‌లో జూన్‌ 26 నుంచి 28 వరకు జరగనున్న నాటా కన్వెన్షన్‌కు రావాల్సిందిగా ఆహ్వానించారు. ముఖ్యమంత్రి జగన్‌ చేపట్టిన నాడు-నేడు స్కూల్‌ డెవలప్‌మెంట్‌ కార్యక్రమానికి కూడా నాటా సహాయాన్ని అందిస్తుందని కూడా వారు ఈ సందర్భంగా పేర్కొన్నారు. నాటా నాయకులు రాష్ట్రానికి చేస్తున్న సేవలను ఈ సందర్భంగా వైఎస్‌జగన్‌ తెలుసుకుని అభినందించారు. నాటా అధ్యక్షుడు రాఘవరెడ్డి గోసల, కార్యదర్శి ఆళ్ళ రామిరెడ్డి, కోశాధికారి నారాయణరెడ్డి, సుధా కొండపు, పీఆర్‌ఓ డివి కోటి రెడ్డి తదితరులు పాల్గొన్నారు.
Tags :