Anmol Gaganman:  ఆప్‌ ఎమ్మెల్యే అన్మోల్ గగన్ మాన్ రాజీనామా

ఆమ్ ఆద్మీ పార్టీ (ఆప్) ఎమ్మెల్యే అన్మోల్ గగన్ మాన్ ((Anmol Gaganman) రాజకీయాలను వీడాలని నిర్ణయించినట్లు  తెలిపారు.  తన శాసన సభ్యత్వానికి ఆమె రాజీనామా (Resignation) చేశారు. అసెంబ్లీ స్పీకర్‌కు రాజీనామా పత్రం అందజేశారు. నా హృదయం బరువెక్కింది, కానీ నేను రాజకీయాలను విడిచిపెట్టాలని నిర్ణయించుకున్నా. ఎమ్మెల్యే పదవికి నా రాజీనామాను స్పీకర్‌ (Speaker) ఆమోదించాలి. పార్టీకి నా శుభాకాంక్షలు. పంజాబ్ ప్రభుత్వం ప్రజల అంచనాలకు అనుగుణంగా ఉంటుందని నేను ఆశిస్తున్నా అని పేర్కొన్నారు.

పంజాబ్‌ గాయని అయిన అన్మోల్ గగన్ మాన్ 2022లో రాజకీయాల్లోకి వచ్చారు. ఆ ఏడాది జరిగిన పంజాబ్‌ అసెంబ్లీ ఎన్నికల్లో ఖరార్(Kharar) స్థానం నుంచి ఆప్‌ తరుఫున పోటీ చేసి గెలిచారు. సీఎం భగవంత్ మాన్ ప్రభుత్వంలో మంత్రిగా అన్మోల్ కొంతకాలం పనిచేశారు. పర్యాటకం-సంస్కృతి, పెట్టుబడి ప్రమోషన్, కార్మిక, ఆతిథ్యం వంటి కీలక మంత్రిత్వ శాఖలు నిర్వహించారు.