బ్యాక్ టు బ్యాక్ హిట్స్ అందుకున్న టాలెంటెడ్ హీరోయిన్

ప్ర‌స్తుతమున్న సిట్యుయేష‌న్స్ లో హీరోయిన్‌గా ఛాన్సులు రావ‌డం కంటే అందులో వ‌రుస‌గా ఎన్ని సినిమాల‌తో హిట్లు అందుకున్నామ‌న్న‌దే ముఖ్యం. అందులోనూ స్టార్ హీరో కాకుండా చిన్న బ‌డ్జెట్ సినిమాల్లో న‌టించి అలాంటి సినిమాల‌ ద్వారా గుర్తింపు ద‌క్కించుకోవాలంటే చాలా కాల‌మే ప‌డుతుంది. టాలెంటెడ్ హీరోయిన్ న‌య‌న్ సారిక(Nayan Sarika) ఇప్పుడు అదే కోవ‌లోకి వ‌స్తుంది.

రీసెంట్ గా క(Ka) సినిమాలో మెప్పించిన న‌య‌న్ సారిక‌కు ఆ సినిమాతో మంచి గుర్తింపు ద‌క్కింది. ఫ్లాపుల‌తో ఇబ్బంది ప‌డుతున్న కిర‌ణ్ అబ్బ‌వ‌రం(Kiran Abbavaram) హిట్ సినిమాలో పాలు పంచుకున్న న‌య‌న్ సారిక ఆగ‌స్టులో రిల‌జైన ఆయ్(Aay) సినిమాలో కూడా హీరోయిన్ గా న‌టించింది. అగ్ర కులానికి చెందిన చ‌లాకీ అమ్మాయిగా అందులో న‌య‌న్ కు మంచి మార్కులే ప‌డ్డాయి.

ఆయ్ తో హిట్ అందుకున్న న‌య‌న్ సారిక వెంట‌నే క సినిమాతో మ‌రో హిట్ అందుకోవ‌డంతో ఇప్పుడు అమ్మ‌డికి మీడియం రేంజ్ ప్రొడ్యూస‌ర్ల నుంచి కాల్స్ తెగ వెళ్తున్నాయట‌. వాస్త‌వానికి న‌య‌న్ సారిక ఈ రెండు సినిమాల కంటే ముందే గంగం గ‌ణేశా(Gam Gam Ganesha) సినిమా చేసింది. కానీ ఆ సినిమాలో అమ్మ‌డి పాత్ర‌కు పెద్ద‌గా ప్రాధాన్యం లేక‌పోవ‌డంతో గుర్తింపు ద‌క్క‌లేదు. ఇప్పుడు ఆయ్, క లాంటి చిన్న సినిమాల‌తో న‌య‌న్ పెద్ద హిట్లు కొట్టి మెల్లిగా అవ‌కాశాల‌ను ద‌క్కించుకుంటోంది. చూస్తుంటే హైద‌రాబాద్ కు చెందిన ఈ తెలుగ‌మ్మాయికు ఇక‌పై అవ‌కాశాలు పుష్క‌లంగా పెర‌గ‌డం ఖాయంలా అనిపిస్తోంది.