పారడైజ్ లో నాని ఏం చేయ‌నున్నాడ‌బ్బా?

స‌రిపోదా శ‌నివారం(Saripodha Sanivaram) సినిమాతో బ్లాక్ బ‌స్ట‌ర్ అందుకున్న నేచుర‌ల్ స్టార్ నాని(Nani) ప్ర‌స్తుతం హిట్3(Hit3) సినిమా చేస్తున్నాడు. ఈ సినిమాతో పాటూ త‌న‌కు మొద‌టి వంద కోట్ల గ్రాస్ అందించిన ద‌స‌రా డైరెక్ట‌ర్ శ్రీకాంత్ ఓదెల(Srikanth Odela)తో మ‌రో సినిమాను కూడా అనౌన్స్ చేసిన విష‌యం తెలిసిందే. ఇప్ప‌టికే ఈ ప్రాజెక్టును అఫీషియ‌ల్ గా లాంచ్ కూడా చేశారు.

హిట్3ను త్వ‌ర‌గా పూర్తి చేసి ఈ సినిమా షూటింగ్ లో పాల్గొన‌నున్నాడు నాని. భారీ అంచ‌నాల‌తో తెర‌కెక్కుతున్న ఈ సినిమాకు ది ప్యార‌డైజ్(The Paradise) అనే టైటిల్ ను ఫిక్స్ చేసిన‌ట్లు నాని అఫీషియ‌ల్ గా అనౌన్స్ చేశాడు. టైటిల్ ను బట్టి చూస్తుంటే సినిమా బ్యాక్ డ్రాప్ మొత్తం సికింద్రాబాద్‌లోనే జ‌రుగుతుంది. దాని కోసం భారీ సెట్స్ కూడా ఇప్ప‌టికే వేశారు.

80-90 మ‌ధ్య జ‌రిగిన ఓ సంచ‌ల‌నాత్మ‌క సంఘ‌ట‌న‌ను బేస్ చేసుకుని శ్రీకాంత్ ఈ స్క్రిప్ట్ ను రెడీ చేసుకున్నాడ‌ట‌. జంట న‌గ‌రాల్లో కీల‌క‌మైన ఏరియాగా చెప్పుకునే ప్యారడైజ్ నేప‌థ్యంలో కీల‌క మ‌లుపులు ఉన్నందువ‌ల్లే ఈ టైటిల్‌ను పెట్టార‌ని టాక్. మొత్తానికి ఊహ‌ల‌కు అంద‌ని విధంగా ఈ సినిమాలో శ్రీకాంత్ ఏదో గ‌ట్టిగానే ప్లాన్ చేస్తున్నట్లున్నాడు. నాని మార్కెట్ బాగా పెరిగిన నేప‌థ్యంలో బ‌డ్జెట్ కూడా రూ.100 కోట్లు దాట‌నుంద‌ని యూనిట్ స‌భ్యులు చెప్తున్నారు. జ‌న‌వ‌రి నుంచి ఈ సినిమాను సెట్స్ పైకి తీసుకెళ్లి నెక్ట్స్ ఇయ‌ర్ ఎండింగ్ క‌ల్లా రిలీజ్ చేయాల‌ని మేక‌ర్స్ ప్లాన్ చేస్తున్నారు.