ఆమీర్ క్యామియోపై లోకేష్ క్లారిటీ

ఖైదీ(khaidhi) సినిమాతో లోకేష్ క‌న‌గ‌రాజ్(Lokesh Kanagaraj) ఎంత పాపుల‌ర్ అయ్యాడో తెలిసిందే. ఆ త‌ర్వాత అత‌న్నుంచి వ‌చ్చిన మాస్ట‌ర్(Master), విక్ర‌మ్(Vikram), లియో(Leo) సినిమాలు అత‌ని స్థాయిని మ‌రింత పెంచాయి. సినిమాటిక్ యూనివ‌ర్స్ అనే ప‌దం ఆయ‌న ద్వారానే బాగా పాపుల‌రైంది. అయితే ఆయ‌న ద‌ర్శ‌క‌త్వంలో వ‌చ్చిన లియో సినిమా మాత్రం అంచ‌నాల‌ను అందుకోలేపోయింది.

ప్ర‌స్తుతం లోకేష్ క‌న‌గ‌రాజ్ సూప‌ర్ స్టార్ ర‌జినీకాంత్ హీరోగా కూలీ(Coolie) అనే సినిమా చేస్తున్నాడు. ఈ మూవీపై అంచ‌నాలు భారీ స్థాయిలో ఉన్నాయి. దానికి తోడు కూలీలో ఉపేంద్ర‌(Upendra), అక్కినేని నాగ‌ర్జున(Akkineni Nagarjuna) కీల‌క పాత్ర‌లు పోషిస్తుండ‌టంతో సినిమాపై హైప్ భారీగా పెరిగింది. అంతేకాదు కూలీలో ఆమీర్ ఖాన్(Amir Khan) కూడా స్పెష‌ల్ రోల్ చేస్తున్నాడ‌ని వార్తలొచ్చిన నేప‌థ్యంలో ఈ విష‌యాన్ని లోకేష్ ను అడిగింది మీడియా.

దానికి లోకేష్ ఎంతో తెలివిగా స‌మాధాన‌మిచ్చాడు. సినిమాకు సంబంధించిన ఏ అప్డేట్ అయినా ప్రొడ‌క్ష‌న్ హౌస్ నుంచే అఫీషియ‌ల్ గా రావాల‌ని, తాను రివీల్ చేయ‌లేన‌ని చెప్తూనే వేరే రాష్ట్రం లేదా దేశానికి చెందిన ఓ ప్ర‌త్యేక వ్య‌క్తి ఈ సినిమాలో న‌టిస్తుండొచ్చు అని ఆమీర్ పాత్ర గురించి హింట్ ఇచ్చాడు లోకేష్‌. అంతేకాదు, ఇంత‌మంది స్టార్ల‌ను ఊరికే పెట్ట‌లేద‌ని, ప్ర‌తి ఒక్క‌రి పాత్ర‌లూ క‌థ‌కు అనుగుణంగానే ఉంటాయ‌ని లోకేష్ తెలిపాడు. లియో సినిమా నేర్పించిన పాఠాలు తెలుసుకున్నాకే కూలీ సినిమా చేస్తున్నట్లు లోకేష్ వెల్ల‌డించాడు.