Trump will end Iran oil waivers trying to drive its exports to zero

భారతదేశానికి ఇబ్బంది కలిగించేలా ఇరాన్‌ విషయంలో అమెరికా అధ్యక్షుడు డొనాల్డ్‌ ట్రంప్‌ కీలక నిర్ణయం తీసుకున్నారు. ఇరాన్‌ నుంచి చమురు దిగుమతి చేసుకునేందుకు భారత్‌ సహా ఏ దేశానికి మినహాయింపు ఇవ్వబోమని ప్రకటించారు. ఇంతవరకు కొన్ని దేశాలకు విశేష తగ్గుదల మినహాయింపు (సిగ్నిఫికెంట్‌ రిడక్షన్‌ ఎక్సెప్షన్‌-ఎస్‌ఆర్‌ఈ) విధానం కింద అక్కడ నుంచి చమురును కొనుగోలు చేసే అవకాశం ఇచ్చారు. ఇకపై ఆ విధానం ఉండబోదని అధ్యక్ష కార్యాలయమైన శ్వేత సౌధం ప్రకటించింది. ఎస్‌ఆర్‌ఈల కాలపరిమితి మే రెండో తేదీన ముగిసినప్పుడు దాన్ని మళ్లీ పొడిగించకూడదని అధ్యక్షుడు ట్రంప్‌ నిర్ణయించారు. ఇరాన్‌ చమురు ఎగుమతులు (మే నాలుగో తేదీ నాటికి) సున్నా స్థాయికి తీసుకొని రావడానికే ఈ నిర్ణయం తీసుకున్నారు. ఆ దేశానికి ప్రధాన ఆదాయ వనరు లేకుండా చేయడమే ఉద్దేశం అని పేర్కొంది.