ప్ర‌దీప్ నిర్మాత‌గా లేడీ ఓరియెంటెడ్ సినిమా

తమిళ యంగ్ హీరో ప్ర‌దీప్ రంగనాథన్(Pradeep Ranganathan) ప్రస్తుతం సౌత్ ఇండియన్ సినీ పరిశ్రమలో హాట్ టాపిక్‌గా మారిపోయారు. లవ్ టుడే(Love Today), డ్రాగన్(Dragon), డ్యూడ్(Dude) వంటి వరుస స‌క్సెస్‌ల‌తో తక్కువ టైమ్ లోనే స్టార్ హీరోగా ఎదిగిన ప్రదీప్‌కు యువ ప్రేక్షకుల్లో ప్రత్యేకమైన క్రేజ్ ఏర్పడింది. అయితే రీసెంట్ గా రిలీజైన లవ్ ఇన్సూరెన్స్ కంపెనీ(Love Insurance Company) ఆశించిన ఫలితాన్ని అందుకోలేక బాక్సాఫీస్ వద్ద నిరాశ పరిచింది. అయినప్పటికీ ఆ ఫ్లాప్ ప్రభావం ఆయన కెరీర్‌పై ఏమాత్రం పడలేదని తాజా పరిణామాలు స్పష్టం చేస్తున్నాయి. ఇప్పటికే హీరోగా పలువురు డైరెక్ట‌ర్ల‌తో సినిమాలు లైన్‌లో పెట్టుకున్న ప్రదీప్ ఇప్పుడు నిర్మాతగానూ కొత్త ప్రయాణాన్ని ప్రారంభించడం ఆసక్తికరంగా మారింది.

ప్రదీప్ రంగనాథన్ నిర్మాణంలో రూపొందుతున్న తొలి సినిమా తాజాగా సెట్స్‌పైకి వెళ్లినట్లు సమాచారం. మహిళా ప్రాధాన్యతతో తెరకెక్కుతున్న ఈ సినిమాలో మమిత బైజు(Mamitha Byju) ప్రధాన పాత్రలో నటిస్తోంది. ప్రస్తుతం సౌత్‌లో వరుస అవకాశాలతో దూసుకుపోతున్న మమిత బైజు ఈ సినిమాలో చాలా బలమైన పాత్రలో కనిపించబోతున్నట్లు టాక్ వినిపిస్తోంది. ఇక టాలెంటెడ్ డైరెక్ట‌ర్ అశ్వత్ మారిముత్తు(Aswath Marimuthu) ఈ సినిమాలో కీలక పాత్ర పోషించనున్నారని సినీ వర్గాలు చెబుతున్నాయి. కథ ఎంపిక నుంచి స్క్రిప్ట్ డెవలప్‌మెంట్ వరకు ప్రదీప్ స్వయంగా పర్యవేక్షించినట్లు సమాచారం.

ఇక ఈ సినిమాను కంటెంట్ ప్రధానంగా, పరిమిత బడ్జెట్‌లో తెరకెక్కిస్తున్నారని తెలుస్తోంది. హీరోగా వరుస విజయాలు సాధించిన తర్వాత నిర్మాతగా కూడా ప్రదీప్ తీసుకున్న ఈ నిర్ణయం ఇండస్ట్రీలో చర్చనీయాంశమైంది. కొత్త తరహా కథలకు ప్రాధాన్యం ఇస్తూ ముందుకు వెళ్తున్న ఆయన, కమర్షియల్ ఫార్మాట్‌కు భిన్నంగా మహిళా కథాంశంతో సినిమా నిర్మించడం ప్రత్యేక ఆకర్షణగా మారింది. త్వరలోనే చిత్ర యూనిట్ అధికారిక ప్రకటనతో పాటు టైటిల్, ఇతర నటీనటుల వివరాలు వెల్లడించే అవకాశముంది.