రిలయన్స్‌ అరుదైన ఘనత.. వరుసగా 21 ఏండ్ల పాటు

కార్పొరేట్‌ దిగ్గజం ముకేష్‌ అంబానీ సారధ్యంలోని రిలయన్స్‌ ఇండస్ట్రీస్‌ లిమిటెడ్‌ (ఆర్‌ఐఎల్‌) అరుదైన ఘనత సాధించింది. వరుసగా 21 ఏండ్ల పాటు ఫార్చూన్‌ గ్లోబల్‌ 500 జాబితాలో చోటు దక్కించుకున్న తొలి భారత కంపెనీగా ఆర్‌ఐఎల్‌ నిలిచింది. 2021లో 155వ స్థానం నుంచి గత మూడేండ్లలో అప్రతిహతంగా ఎదిగిన రిలయన్స్‌ ఇండస్ట్రీస్‌ ఏకంగా 69వ స్థానాలకు ఎగబాకి 86వ స్థానంలో నిలిచింది. గత 21 ఏండ్లుగా స్థిరంగా ఈ జాబితాలో ఇతర ఏ భారత కంపెనీ నిలకడగా చోటు దక్కించుకోలేదు. అంబానీ కుమారుడు అనంత్‌ అంబానీ, రాధికా మర్చంట్‌ల లావిష్‌ వెడ్డింగ్‌ అనంతరం కంపెనీ ఈ ఫీట్‌ను నమోదు చేయడం గమనార్హం. ఇక ఫార్చూన్‌ గ్లోబల్‌ 500 జాబితాలో 9 భారత కంపెనీలు చోటు దక్కించుకోగా వాటిలో 5 ప్రభుత్వ రంగ సంస్థలే కావడం విశేషం.