Radha Spaces ASBL

నందమూరి కళ్యాణ్ రామ్ ‘బింబిసార’ గ్లిఫ్స్ అదుర్స్! ఇక ట్రైలర్ ఏ రేంజ్ లో ఉంటుందో?

నందమూరి కళ్యాణ్ రామ్ ‘బింబిసార’ గ్లిఫ్స్ అదుర్స్! ఇక ట్రైలర్ ఏ రేంజ్ లో ఉంటుందో?

‘ఓ యుద్ధం మీద ప‌డితే ఎలా ఉంటుందో చూస్తారా’ అంటూ బింబిసార బెంబేలెత్తిస్తున్నాడు. కళ్యాణ్ రామ్ స్వీయ నిర్మాణంలో తెరకెక్కిన బింబిసార మూవీ ట్రైలర్ గ్లింప్స్‌కి మంచి రెస్పాన్స్ వస్తోంది.హిట్ ఫ్లాప్‌లతో సంబంధం లేకుండా కళ్యాణ్ రామ్ వరుస సినిమాలు చేసుకుంటూ పోతున్నారు. ఎన్‌టీఆర్ ఆర్ట్స్ బ్యాన‌ర్‌పై క‌ళ్యాణ్‌రామ్ స్వీయ నిర్మాణంలో తెరకెక్కిన హిస్టారికల్ మూవీ ‘బింబిసార’ . మల్లిడి వశిష్ఠ ఈ చిత్రానికి దర్శకత్వం వహిస్తున్నారు. ‘బింబిసార’ టైటిల్‌తో పాటు ఇందులో కళ్యాణ్ రామ్ గెటప్ కూడా ఆసక్తికరంగా ఉంది.తాజాగా ఈ మూవీ రిలీజ్ డేట్‌ను ప్రకటిస్తూ.. ట్రైలర్ గ్లింప్స్‌ను విడుద‌ల చేశారు. ‘ఓ యుద్ధం మీద ప‌డితే ఎలా ఉంటుందో చూస్తారా’ అంటూ కళ్యాణ్ రామ్ భయపెట్టేస్తున్నాడు. రాజులు, రాజ్యాలు, యుద్ధాలు.. ఇలా భారీ ఫాంటసీ యాక్షన్ ఎపిసోడ్స్ చాలానే కనిపిస్తున్నాయి. ఆగష్టు 5 ఈ సినిమా విడుదల కానుండగా.. జూన్ 4న ట్రైలర్‌ రానుంది.

ఈ మూవీ ప్రమోషన్స్‌లో భాగంగా విడుదలైన ట్రైలర్ గ్లింప్స్‌కి మంచి రెస్పాన్స్ రావడంతో యూట్యూబ్‌లో ట్రెండింగ్‌ అవుతోంది. పునర్జన్మల నేపథ్యంలో తెరకెక్కిన ఈ చిత్రంలో కళ్యాణ్ రామ్ డ్యుయల్ రోల్ పోషిస్తున్నారు. కేథ‌రిన్ ట్రెసా, సంయుక్త మీన‌న్, వారినా హుస్సేన్‌లు క‌థానాయిక‌లుగా న‌టిస్తున్నారు. బడ్జెట్ విషయంలో వెనకడుగు వేయకుండా పాన్ ఇండియా స్థాయిలో ఈ చిత్రాన్ని భారీ బడ్జెట్‌తో నిర్మించారు కళ్యాణ్ రామ్.‘గౌతమి పుత్ర శాతకర్ణి’, ‘జై సింహా’, ‘కంచె’ సినిమాలకు సంగీతం అందించిన చిరంతన్ భట్ ‘బింబిసార’చిత్రానికి మ్యూజిక్ అందిస్తుండటంతో అంచనాలు పెరిగాయి. మరి అందరి అంచనాలను ‘బింబిసార’ అందుకుంటూ ఏమేరకు ఆకట్టుకుంటాడో చూడాలి.

 

praneet praneet praneet obili-garuda Vertex poulomi Png-jewelry
Tags :