విజయ్ దేవరకొండ ఖుషి మూవీలో హ్యాట్రిక్ డిజాస్టర్‌ హీరోయిన్ కృతి శెట్టి?
రౌడీ స్టార్ విజయ్ దేవరకొండ ఖుషీ మూవీ ఈ ఏడాదిలోనే క్రిస్ష్మస్ సందర్భంగా డిసెంబర్ 23న విడుదల అవ్వాల్సిన ఈ సినిమాపై గత కొన్ని రోజుల నుంచి సందిగ్ధత నెలకొంది. ఫస్ట్ హీరోయిన్‌గా చేస్తున్న సమంత అనారోగ్యం బారినపడటం.. విజయ్ దేవరకొండ నటించిన లైగర్ డిజాస్టర్గా మిగలడం కూడా కారణాలుగా చెప్తున్నారు. అయితే.. తాజాగా హీరోయిన్ కృతి శెట్టి ఈ మూవీలోకి వచ్చి చేరినట్లు వార్తలు వస్తున్నాయి. ఈ ఏడాది హ్యాట్రిక్ డిజాస్టర్స్‌ని సొంతం చేసుకుని విజయ్ దేవరకొండ నటిస్తున్న ‘ఖుషీ’ మూవీలోకి డిజాస్టర్స్‌ హీరోయిన్ కృతి శెట్టి వచ్చింది. కృతి శెట్టి కెరీర్ కూడా ఇటీవల గాడితప్పింది. ‘ఉప్పెన’ సినిమాతో యూత్‌లో మంచి క్రేజ్‌ని సంపాదించుకున్న ఈ ముద్దుగుమ్మ.. ఆ తర్వాత ‘బంగార్రాజు’తో రేంజ్‌ని పెంచుకుంది. కానీ ఈ ఏడాది వరుసగా రిలీజైన ఆమె మూడు సినిమాలు ‘ది వారియర్’, ‘మాచెర్ల నియోజకవర్గం’, ‘ఆ అమ్మాయి గురించి మీకు చెప్పాలి’ డిజాస్టర్గా మిగిలాయి. దాంతో ఇప్పుడు ఈ అమ్మడి చేతిలో చెప్పుకోదగ్గ సినిమాలు ఏమీ లేవు. ఈ నేపథ్యంలో కృతి శెట్టి ఆశలు కూడా ఈ ఖుషీపైనే ఉండే అవకాశం ఉంది.
శివ నిర్వాణ దర్శకత్వంలో తెరకెక్కుతున్న ఈ సినిమాలో ఫస్ట్ హీరోయిన్‌గా సమంత ని ఎంపిక చేశారు. ఈ మేరకు ఇప్పటికే విజయ్ దేవరకొండ, సమంత కాంబినేషన్‌లో కొన్ని షెడ్యూల్స్ షూటింగ్ కూడా పూర్తి అయ్యింది. కానీ.. ప్రస్తుతం సమంత ‘మయోసైటిస్’ బారినపడటం.. ఇంటి వద్దే రెస్ట్ తీసుకుంటూ ఉండటంతో ఈ ఖుషీ మూవీ షూటింగ్‌ని తాత్కాలికంగా నిలిపివేసినట్లు తెలుస్తోంది. కానీ.. తాజాగా ‘ఖుషీ’ మూవీలోకి క్రేజీ హీరోయిన్ కృతి శెట్టి చేరినట్లు వార్తలు వస్తున్నాయి. ఈ సినిమాలో సెకండ్ హీరోయిన్‌కి ఛాన్స్ ఉందని.. ఈ మేరకు కృతి శెట్టిని సెలెక్ట్ చేసినట్లు జోరుగా ప్రచారం జరుగుతోంది. సినిమాలో కీలకమైన ఆమె పాత్ర తొలుత నెగటివ్ షేడ్‌లో ఉండి.. ఆ తర్వాత క్లైమాక్స్‌లో పాజిటివ్‌గా ముగియబోతున్నట్లు తెలుస్తోంది. అయితే.. ఇప్పటి వరకు కృతి శెట్టి చేరికపై ఇంకా అధికారిక ప్రకటన రాలేదు. విజయ్ దేవరకొండ నటించిన ‘లైగర్’ సినిమా ఇటీవల రిలీజై.. ఎవరూ ఊహించని విధంగా బాక్సాఫీస్ వద్ద బోల్తా కొట్టింది. ఆ డిజార్టర్ ప్రభావంతో పూరి జగన్నాథ్‌తో అప్పటికే సెట్స్‌పైకి వెళ్లిన ‘జనగణమన’ ప్రాజెక్ట్ నుంచి కూడా విజయ్ దేవరకొండ తప్పుకున్నాడు. దాంతో ఇప్పుడు విజయ్ దేవరకొండ ఆశలన్నీ ‘ఖుషీ’ మూవీపైనే ఉన్నాయి. కానీ.. ఈ ఏడాదే రిలీజ్ అవ్వాల్సిన ఈ సినిమా ఎప్పటికి పూర్తవుతుందో కూడా కచ్చితంగా చెప్పలేని పరిస్థితి నెలకొంది.సమంత మాత్రం ఇటీవల ‘యశోద’ మూవీతో బ్లాక్ బాస్టర్ హిట్‌ని అందుకుంది. ఫ్యామిలీ రొమాంటిక్ డ్రామాగా తెరకెక్కుతున్న ఖుషీ మూవీలో సమంత, కృతి శెట్టి కాంబినేషన్‌లో కూడా కొన్ని సీన్స్ ఉండబోతున్నాయట. మరి ఈ క్రేజీ కాంబినేషన్ ఎంతవరకు వర్కవుట్ అవుతుందో చూడాలి.
